Тамызда шығатын сериалдар саны жағынан көп емес. Дегенмен назар аударуға тұрарлық жобалар да бар. Соның ішінде франко-кубалық-америкалық жазушы Анаис Ниннің «Кішкентай құстар» эротикалық әңгімелер жинағының желісімен түсірілген драмаға, Джейсон Судейкис ойнаған Apple TV+ сервисінің комедиясына және өндірісіне Джей Джей Абрамс пен Джордан Пил қатысқан фантастикалық триллерге назар аударуды ұсынар едік.
Бүгінгі Маппеттер / Маппеты сегодня / Muppets Now
Классикалық телешоудың жалғасы. Қысқаметраж эпизодтардан құралған сериалда көңілді қуыршақтар шоу-бизнестің танымал тұлғаларымен кездеседі. Шоу Disney+ стриминг-сервисінен көрсетілмекші. Алғашқы маусым 6 эпизодтан тұрады деп хабарланды. Премьерасы: 1 тамыз.
Кішкентай құстар / Маленькие пташки / Little Birds
Сериал оқиғасы 1955 жылы Танжерде өрбиді. Бір-біріне ұқсамайтын екі әйелдің тағдыры тоғысады. Америкалық Люси Мароккоға келеді. Ол болашақ жарымен бірге ережелер мен шарттардан қашып келген. Оның сүйгені – ағылшын лорды Люси мен танжерлік еркектің біреуіне таңдау жасауы тиіс. Ал осы қалада тұратын жезөкше Шерифа осы кезде төңірегіндегі әлемді өзгертіп, өз тәуелсіздігі үшін күресіп жатады.
«Кішкентай құстар» франко-кубалық-америкалық жазушы Анаис Ниннің эротикалық әңгімелер жинағының желісімен түсірілген. Премьерасы: 4 тамыз.
Стартрек: Төменгі палуба / Звездный путь: Нижние палубы / Star Trek: Lower Decks
Оқиғасы «Стартрек» франшизасының әлемінде өрбитін анимациялық сериал. Сюжеті 2380 жылы өрбиді. Капитан Фриман және оның командасы Жұлдызды флоттың ең пайдасыз және мәні жоқ кемесімен алыс сапарға аттанады. Оларға ең лас, ешкім орындамайтын тапсырмалар жүктеледі.
Премьерасы: 7 тамыз.
Тед Лассо / Ted Lasso
Джейсон Судейкис ойнаған Apple TV+ сервисінің комедиясы. Басты кейіпкер – колледждің футбол командасын жаттықтыратын Тед Лассо. Оған Англиядан ұсыныс түсіп, жергілікті командаға бапкер болуы керек. Бірақ бір проблема бар. Тед – америкалық футбол маманы, классикалық футболдан түк хабары жоқ.
Премьерасы: 15 тамыз.
Лавкрафт елі / Страна Лавкрафта / Lovecraft Country
Өндірісіне Джей Джей Абрамс пен Джордан Пил қатысқан фантастикалық триллер. Сюжетте жас афроамерикалық Аттикус Блэк, оның ағасы Джордж және сүйгені Летиша Америка ішіне саяхатқа аттанады. Олар Аттикустың жоғалып кеткен әкесін табуға тырысады. Оларды ақ америкалықтардың расизмі ғана емес, қорқынышты монстрлармен кездесу күтіп тұр.
Сериал Америка жазушысы Сэтт Руффтың аттас романының желісімен түсірілген. Премьерасы: 17 тамыз.
Кезекті маусыммен шыққан сериалдар:
1 тамыз:
– Амбрелла академиясы / Академия Амбрелла / The Umbrella Academy; фэнтези, боевик (АҚШ): 2 маусым
7 тамыз:
– Ашық теңіз / Открытое море / Alta mar; драма, қылмыстық, детектив (Испания): 3 маусым
22 тамыз:
– Люцифер / Lucifer; фэнтези (АҚШ): 5 маусым
26 тамыз:
– Әшекейлер / Воровки / Trinkets; драма (АҚШ): 2 маусым
