2020 жылы маусымда шығатын сериалдар: 3 бөлік

Маусымның сериалдарына арналған шолуымыздың үшінші әрі соңғы бөлігінде HBO арнасының екі мини-сериалы туралы айтамыз.

Перри Мейсон / Perry Mason

Мини-сериал форматындағы детектив. Эрл Стэнли Гарднер шығармаларының желісімен түсірілген сериалдың оқиғасы Лос-Анджелесте 1932 жылы өтеді. Басты кейіпкер – Перри Мейсон деген адвокат. Ол балалардың жоғалуымен байланысты істі қолға алады. Мейсон клиенттерін қорғап қана қоймай, қылмысты өз бетімен де тергей беретін әрекетімен белгілі.

Премьерасы: 22 маусым.

Қараңғылыққа сіңіп жоқ боламын / Я исчезну в темноте / I’ll Be Gone in the Dark

«Калифорниялық кісі өлтіруші» деген атпен белгілі маньяктың оқиғасына арналған деректі мини-сериал. Джозеф Деанджело 1976 мен 1986 жыл аралығында кем дегенде 10 адамды өлтіріп, 50 шақты адамды зорлаған. Жоба осы істі зерттеген жазушы Мишель МакНамараның зерттеуі бойынша түсірілген және қылмыскердің құрбандары туралы айтады.

Премьерасы: 29 маусым.

Кезекті маусыммен шыққан сериалдар:

26 маусым:
– Тағдыр патрулі / Роковой патруль / Doom Patrol; драма, фантастика, боевик, қылмыстық (АҚШ): 2 маусым
– Ымырт аймақ / Сумеречная зона / The Twilight Zone; драма, фантастика, фэнтези, үрейлі, триллер, детектив (АҚШ): 2 маусым
– Көңілді іздеу / В поиске / Search Party; комедия (АҚШ): 3 маусым

27 маусым:
– Түнек / Тьма / Dark; триллер, детевтив, мистика (Германия): 3 маусым

Соңы.

2020 жылы маусымда шығатын сериалдар: 2 бөлік

Маусымның сериалдарына арналған шолудың екінші бөлігінде Hulu және Netflix стриминг-сервистерінің жаңа сериалдары туралы көп айтамыз.

Романс / Romance

Француздың фантастикалық мелодрамасы Жереми деген жігіт жайында. Бір күні клубтың қабырғасына ілінген сұлу әйелдің фотосуретін көреді. Сол сәтте фото жасалған уақытқа – 1960 жылға тап болады. Жереми бұнда Алиса деген құпия сұлумен және оның күйеуі Криспен танысады. Көп кешікпей әйел әлдебір сырды жасырғанын біледі.

Басты әйел рөлінде – Ольга Куриленко. Премьерасы: 10 маусым.

Курон / Затопленный город / Curon

Италияда түсірілген, Netflix сервисінде көрсетілетін мистикалық триллер Курон деген әйелдің тағдырын баяндайды. Ол 17 жыл бұрын бір қайғылы оқиғадан кейін ауылынан кетіп қалған болатын. Талай жылдардан соң балаларын ертіп туған жеріне оралады. Көп кешікпей Курон із-түссіз жоғалып кетеді, ал балалары көне аңыздармен, түнекке батқан отбасы құпиясымен бетпе-бет келеді.

Премьерасы: 10 маусым.

Ленокс-Хилл / Lenox Hill

Netflix-ке шығатын деректі сериал Нью-Йорктағы атақты «Ленокс-Хилл» клиникасының төрт дәрігінің кәсіби карьерасы туралы айтады. Екі нейрохирург, терапевт пен бас дәрігер күн сайын өлімге қарсы тұрады, адам өмірін құтқарып және қауіпті шешім қабылдайды. Олардың клиникадан тыс жеке өмірі де көрсетіледі.

Премьерасы: 11 маусым.

Бас / Голова / The Head

Hulu ұсынатын испан детективінің оқиғасы халықаралық арктикалық зерттеу станциясында өтеді. Алты айға созылған поляр түнінен кейін зерттеу тобының бір бөлігі өлі күйінде табылады. Ал қалған бөлігі із-түссіз жоғалып кеткен. Оларды алмастыруға келген Йохан Берг не болғанын анықтау керек.

Премьерасы: 12 маусым.

Орман / В густом лесу / The Woods

Netflix-те көрсетілетін детектив америкалық жазушы Харлан Кобеннің романы бойынша түсірілген. Сюжеті Павел Копински деген прокурор төңірегінде өрбиді. Варшава түбіндегі жазғы лагерде жиырмадан астам жыл бұрын төрт жасөспірім жоғалып кеткен еді. Екеуінің өлі денесін полиция табады, ал бір бозбала мен қыз тірі күйінде де, өлі күйінде де табылмай кетеді. Жоғалған қыз Павелдің қарындасы еді. Полиция бір еркектің өлі денесін тауып, осыдан жиырма жыл бұрын жоғалған бозбаланыкі деп анықтайды. Осыдан бастап Павел өз тергеуін бастайды.

Айқасқан қылыштар / Скрещенные мечи / Crossing Swords

Hulu сервисіне арналып түсірілген мультипликациялық сериал. Басты кейіпкер – мейірімді, рыцарь болуды армандайтын жас шаруа. Бір күні арманы орындалып, патша қамалына жұмысқа орналасады. Бірақ бәрі өзі ойлағаннан өзгеше болып щығады. Сөйтсе сарайы жемқорлыққа, қатыгездік пен азғындыққа толы екен.

Басты кейіпкерді актер Николас Холт дыбыстайды. Премьерасы: 13 маусым.

Солсберидегі улау / Отравления в Солсбери / The Salisbury Poisonings

Британ драмасы өмірде болған оқиғаны суреттейді. 2018 жылы наурызда Солсбери қаласында әлдекімдер бұрынғы ГРУ агенті Сергей Скрипалді және оның қызын жүйке-паралич затымен улап кеткен болатын. BBC тележелісінің жобасы үш эпизодтан ғана тұрады.

Премьерасы: 14 маусым.

Махаббатпен, Виктор / С любовью, Виктор / Love, Victor

Hulu сервисінің мелодрамасы отбасымен бірге басқа қалаға көшіп келген Виктор деген жасөспірім туралы баяндайды. Оған жаңа мекенге, мектепге сіңісу қиынға соғады. Қоныс аударғаннан кейін отбасында да ұрыс көбейеді. Бәрінен бұрын өзінің бойынша қарама-қайшы сезімдерді игеру, өзінің жыныстық бағдарын анықтау қиынға соғады.

«Махаббатпен, Виктор» – 2018 жылы шыққан «Махаббатпен, Саймон» драмасының спин-оффы. Премьерасы: 20 маусым.

Кезекті маусыммен шыққан сериалдар:

13 маусым:
– О дегеніміз Отбасы / С Значит Семья / F Is for Family; комедия, мультфильм (АҚШ): 4 маусым;

18 маусым:
– Бәрін бүлдірген сен / Смотри, что ты наделал / Mira lo que has hecho; комедия: 3 маусым;

19 маусым:
– Орден / Тайный орден / The Order; драма, фэнтези, триллер, мистика (АҚШ); 2 маусым;

20 маусым:
– Саясаткер / Политик / The Politician; комедия, музыка (АҚШ): 2 маусым;

22 маусым:
– Йеллоустоун / Yellowstone; драма, вестерн (АҚШ): 3 маусым;
– Чи / The Chi; драма (АҚШ): 3 маусым;
– Носферату / Страна Рождества / NOS4A2; фантастика, үрейлі (АҚШ): 2 маусым.

Жалғасы бар…

2020 жылы маусымда шығатын сериалдар

Жаздың алғашқы айында комедия көп болатын секілді. Quibi платформасы музыкалық комедиясын, BBC One Дэвид Теннант пен Майкл Шиннің қатысуымен жаңа ситкомын ұсынады. Олардан бөлек «Тентек жігіттер» экшн-комедиясының спин-оффы саналатын сериалдың 2 маусымы шығады.

Гонорар / Royalties

Quibi платформасына арналған музыкалық комедия. Сюжеті Сара және Пирс деген кейіпкерлер төңірегінде өрбиді. Олар бірлесіп ән жазып, түрлі тапсырыстар орындайды. Тапсырыс берушілер арасында біртүрлі, қалыптан тыс клиенттер кездеседі. Солардың тапсыруымен бас кейіпкерлер жарнама джинглдары мен басқа әншілерге арнап жаңа ән жазуға да мәжбүр болады.

Премьерасы: 1 маусым.

Алекс Райдер / Alex Rider

Британ жазушысы Энтони Хоровицтің аттас кітаптап сериясының желісімен түсірілген боевик. Басты кейіпкер – Алекс деген мектепте оқитын қарапайым жасөспірім. Оны кішкентайынан бағып өсірген көкесі Йен Райдер британ барлаушысы болып шығады. Ол өлген сәтіне дейін баланы шпион болуға баулыған екен. Енді МИ-6 агенттері бұған шығып, алғашқы миссиясын орындауға тапсырма береді.

Премьерасы: 5 маусым.

Мен сені құртып жібере аламын / Я могу тебя уничтожить / I May Destroy You

Британ драмасы Арабелла есімді жазушы әйел туралы. Интим қарым-қатынас туралы дебют кітабы оны танымал қылады. Арабелла өз шығармасында келтірілген моралдік принциптерді ұстанатын. Бірақ бәрі бір күнде тас-талқан болады. Клубта көңіл көтеріп жүрген сәтінде әлдекімдер оның сусынына есірткі қосып, зорлап кетеді. Осыдан кейін бас кейіпкер өмірге көзқарасын түбегейлі өзгертеді, өзін жаңаша танудың жолына түседі.

Премьерасы: 8 маусым.

Қойылым / Постановочное / Staged

Дэвид Теннант және Майкл Шин секілді танымал актерлердің басын қосқан комедия. Көтерген тақырыбы да бәрімізге ортақ – коронавирус. Пандемия кесірінен театр актерлерлері жұмыссыз қалады. Бірақ оқшаулануда іш пыспасын деп олар репетицияны тоқтатпайды. Бұл кейіпкерлерді күлкілі және абсурд жағдайларға ұрындырады.

Премьерасы: 11 маусым.

Кезекті маусыммен шыққан сериалдар:

3 маусым:
– Арам Джон / Грязный Джон / Dirty John; қылмыстық (АҚШ): 2 маусым

6 маусым:
– 13 себеп / 13 причин почему / 13 Reasons Why; драма, триллер, мистика (АҚШ): 4 маусым

9 маусым:
– Лос-Анджелестің мықтылары / Лучшие в Лос-Анджелесе / L.A.’s Finest; комедия, боевик, қылмыстық (АҚШ): 2 маусым

Жалғасы бар…