2021 жылғы наурыздың сериалдары – 3 бөлік

Наурыздың сериалдарына арналған шолудың соңғы бөлімі.

Ку’дамм 63 / Ku’damm 63

2018 жылы шыққан «Ку’дамм 59» («Ku’damm 59») неміс ретро-драмасының жалғасы. Сол мини-сериалда отағасынан айырылған ана мен оның үш қызы туралы айтылған еді. Ананың басқа түскен ауыртпалықтан құтылар бір жолы қалған еді – қыздарын күйеуге беру. Алайда ешқайсысы өз еркінен тыс әлдебіреулердің әйелі болғысы келмейді. Кенже қыз тіпті ерекше өмір жолын таңдап, ән мен биге жақын болып өседі. Үш бөлімнен тұратын мына жалғасында Моника Еуровижннің Гран-приінде бақ сынауға мүмкіндік алады.

Премьерасы: 21 наурыз.

Леонардо / Leonardo

Ғалым, суретші, өнертапқыш, кемеңгер. Леонардо да Винчи өз заманының ең жарқын тұлғаларының бірі болды, талай ұлы жаңалықтар ашты, әлемдік өнерге көп ықпал етті. Драмада итальяндық ғалымның өмірі, жеткен жетістіктеріне не әсер еткені айтылады. Сонымен қатар оның натурашы қыз Катерина да Кремонамен қарым-қатынасы да сөз болады.

Премьерасы: 23 наурыз.

Тұрақсыз бөлшектер / Нерегулярные части / The Irregulars

Британ фантастикалық драмасының оқиғасы Лондонда ХІХ ғасырда өрбиді. Қалада қатыгездікпен кісі өлтіру жағдайлары көбейіп кетеді. Полиция бұл қылмыстарды ашуға қауқарсыз болып шығады. Тіпті атақты тергеуші Шерлок Холмс пен оның серігі доктор Ватсон да аша алмайды. Себебі өлімнің артында тылсым күштер тұр. Шерлок пен Ватсон өзін «тұрақсыз бөлшектер» деп атайтын көше жасөспірімдерінің көмегіне жүгінуге мәжбүр болады. Бұл қаңғыбастар барлығын біледі, кез келген жерге ене алады және тапсырыс берушілердің кез келген тапсырмасын орындайды.

Премьерасы: 26 наурыз.

Құдыретті үйректер: Жаңа ойын ережесі / Могучие утята: Новые правила / The Mighty Ducks: Game Changers

Бұл 1992-1996 жылдар аралығында шыққан трилогиясының жалғасы. Disney-дің балаларға арналған жобасы хоккейден «Құдыретті үйректер» балалар командасы туралы. Осы команданың мүшесі – 12 жасар Эван қанша тырысса да көп қателік жібереді. Ақыры оны командадан шығарады. Алайда оның анасы баласының бұл жағдайына көнгісі келмейді. Ол ұлын жаңа команда құруға көндіреді. Құрамына мектептегі аутсайдер балалар кіреді.

Премьерасы: 26 наурыз.

Зақымданбайтын адам / Неуязвимый / Invincible

Анимациялық сериалда Марк Грэйсон деген жасөспірім туралы баяндалады. Оның әкесі – әлемдегі ең құдыретті суперқаһарман Омни-мен. 17 жасқа толғаннан кейін Марк өз бойынан да ерекше қабілет байқайды: ол ұша алады, көп күші бар және мүлдем зақымданбайды. Жас қаһарман өз дарынын басқаруды үйренуі керек. Жобаға Роберт Киркманның аттас комикстері арқау болған.

Премьерасы: 26 наурыз.

Кезекті маусыммен шыққан сериалдар:

21 наурыз:
– Соңғы ғарыш / Крайний космос / Final Space; драма, фантастика, фэнтези, комедия, боевик, қызық оқиғалы (АҚШ): 3 маусым

22 наурыз:
– Жарқыраған сауыт киген Дуайт / Дуайт в сияющих доспехах / Dwight in Shining Armor; фэнтези, комедия, қызық оқиғалы (АҚШ): 5 маусым
– Көп балалы / Родители года / Breeders; комедия (Ұлыбритания): 2 маусым
– Кемеңгер / Гений / Genius; драма, тарихи, өмірбаян (АҚШ): 3 маусым

27 наурыз:
– Күннің қарсы беті / Солнечные противоположности / Solar Opposites; фантастика, комедия, мультфильм (АҚШ): 2 маусым

29 наурыз:
– Төбедегі қала / Город на холме / City on a Hill; драма, қылмыстық, триллер (АҚШ): 2 маусым

31 наурыз:
– Супергерл / Supergirl; фантастика (АҚШ): 6 маусым.

Соңы.

2021 жылғы наурыздың сериалдары – 2 бөлік

Наурыздың сериалдарына арналған шолуымыздың екінші бөлігінде британдық антиутопияға, атақты «Болашаққа қайту» трилогиясының ізімен түсірілген деректі жобаға, борделден қашқан үш қыз туралы испан драмасына, Marvel киноғаламының екі суперқаһарманы – Қыран мен Қысқы сарбаз туралы мини-сериалға тоқталамыз.

Бірегей / Единственный / The One

Британдық антиутопия болашақ әлемді көрсетеді. Бір компания адамдарға өмірлік жарын табуға көмектеседі. Екінші жартыңды іздеуге ДНҚ ғана жеткілікті. Алайда жаңа технологияның пайдасымен бірге зияны да бар – ол адамдар өміріне түрлі этикалық проблемалар да әкеледі. Фантастикалық сериал Netflix платформасында көрсетіледі.

Премьерасы: 12 наурыз.

Экспедиция: Болашаққа қайту / Экспедиция: Назад в будущее / Expedition: Back to the Future

Деректі сериал актер Кристофер Ллойд пен Expedition Unknown жобасының жүргізушісі Джош Гейтс «Болашаққа қайту» фильм-трилогиясына қатысқан барлық DeLorean DMC-12 автокөлігін іздеуге аттанады. Жобаның мақсаты – аукционға сатуға тұрарлық автоны таңдау. Одан түскен қаржы осы трилогияда ойнаған Майкл Дж. Фокс құрған Паркинсон ауруын зерттеу қорының қажеттіліктеріне жаратылады.

Премьерасы: 15 наурыз.

Махаббат үшін жасалған / Сделано для любви / Made for love

HBO Max сервисінің қара комедиясы миллиардер күйеуінен қашып кеткен келіншек туралы. Жарының қылықтарынан шаршаған басты кейіпкер жаңа мекенге келіп имиджін өзгертеді, жаңаша өмір бастайды. Әйтсе де күйеуінен құтылу оңай болмай шығады, сөйтсе ол әйелінің миына жоғары технологиялық чип орнатып, жүріс-тұрысын бақылап қана қоймай, эмоциясын да біле алады екен.

Премьерасы: 17 наурыз.

Қызыл аспан / Красный дерматин / Sky Rojo

Испан триллері Netflix-те жарық көреді. Сюжетте борделде істейтін үш қыздың оқиғасы баяндалады. Бір түні олар сутенерден қашып шығады. Еркіндік жолында оларды қауіп-қатер күтіп тұр, қыздар шынайы достықтың қадірін түсінуді, өмірдің әр сәтін бағалауды үйренеді.

Премьерасы: 19 наурыз.

Қыран мен Қысқы сарбаз / Сокол и Зимний солдат / Falcon & Winter Soldier

Біз бұл екі қаһарманды Marvel киноғаламының фильмдері арқылы білеміз. Disney+ сервисінің мини-сериалы Капитан Американың екі сенімді серігі басынан кешкен қызықты оқиғаларды баяндайды. Сюжеті «Кек алушылар: Ойын соңы» фильмінен кейін өрбиді. Басты рөлдерде – Энтони Маки мен Себастьян Стэн.

Кезекті маусыммен шыққан сериалдар:

13 наурыз:
– Парадайз ПД / Полиция Парадайз / Paradise PD; комедия, мультфильм (АҚШ): 3 маусым

17 наурыз:
– Майяндар / Майянцы / Mayans MC; драма, қылмыстық, триллер (АҚШ): 3 маусым
– Бикештің тәжірибесі / Девушка по вызову / The Girlfriend Experience; драма, ересектерге арналған (АҚШ): 3 маусым

 

Жалғасы бар…

2021 жылғы наурыздың сериалдары

Көктемнің алғашқы сериалдары бөгдепланеталық кеменің сырын зерттеп, кайдзюлармен шайқасқан жасөспірімдердің ерлігін баяндайды, француз бандаларының тіршілігін ішінен көрсетіп, жасөспірімдер талқылайтын тақырыптарға назар аудартады.

Сынықтар / Обломки / Debris

NBC телеарнасының фантастикалық драмасы екі елдің агенті туралы баяндайды. Брайан Беневенти мен Финола Джонс ерекше тапсырма алады: олар бөгде планетадан келген кеменің табылған сынықтарын зерттеуі керек. Әлгі қалдықтар белгісіз себептермен адамзатқа әсер ете алады.

Премьерасы: 2 наурыз.

 

 

 

Тынық мұхит шебі: Қараңғылық / Тихоокеанский рубеж: Темная зона / Pacific Rim: The Black

Netflix көрермендеріне арналған мультсериал Гильермо Дель Торо құрған аттас киноғаламды әрі кеңейтеді. Мұхит түбіндегі алып кайдзюлар жер бетіне көтерілгенде қырғын соғыс басталған еді. Адамдар олармен күресу үшін «қорықшы» деп аталатын екі пилот басқаратын үлкен роботтар жасап шығарды. Құбыжықтар уақыт өте келе Австралияны басып алады. Тұрғындар материктен қашады, кейбірі сонда жасырынады. Ағасы мен қарындасы ата-анасын іздеп жүріп қорықшыны тауып алады. Сөйтіп екеуі роботты басқарып үйренбек болады.

Премьерасы: 4 наурыз.

Серке / Дилер / Caïd

Француз қылмыстық драмасы Netflix платформасына шығады. Басты кейіпкер – рэп әлемін бағындыруды көздеген Тони деген есірткі дилері. Ол режиссер мен оператор тауып, қауіпті әрі қылмысы көп ауданда музыкалық клип түсірмек болады. Алайда түсірілімнің астаң-кестеңі шығады, өйткені Тони бандалар арасындағы қанды қырғынға ұрынады. Есірткі саудасы, зорлық-зомбылық пен атыс-шабыстың бәрі камераға түсіп қалады.

Премьерасы: 10 наурыз.

Ұрпақ / Поколение / Generation

HBO Max сервисінің жасөспірімдерге арналған комедиясы мектеп өмірі мен жоғары сынып оқушылары арасында талқыланатын негізгі тақырыптарға арналады. Кейіпкерлер сексуалдық тақырыбын зерттеп, консерваторлық идеялар төңірегінде пікір таластырады. Сюжетке сценарийшілердің жас кезіндегі естеліктер арқау болған.

Премьерасы: 11 наурыз.

Кезекті маусыммен шыққан сериалдар:

3 наурыз:
– Флэш / The Flash; драма, фантастика, фэнтези, боевик, қызық оқиғалы (АҚШ): 7 маусым
– Жаңа Амстердам / Новый Амстердам / New Amsterdam; драма (АҚШ): 3 маусым

Жалғасы бар…

2020 жылғы наурыздың сериалдары. 2 бөлік

Наурыздың екінші жартысында шығатын сериалдардың арасында көпшілік күтетін «Озарк» сияқты хиттармен қатар біраз жаңа да қызық жобалар бар. Арасынан Зигмунд Фрейдке арналған, Октавия Спенсердің, Риз Уизерспунның қатысуымен түсірілген сериалдарды атап өту қажет.

Белгравия / Belgravia

Джулиан Феллоуздың романына сүйенген 6 сериялы британ драмасы. Оқиғасы 1840 жылдары өтеді. Негізгі кейіпкерлер – ауқатты Тренчардтар отбасы мен ақсүйек Белласистер династиясы. Осыдан көп жыл бұрын болған оқиғаның ізі әлі сақталған, сондықтан екі отбасы арасындағы құпия мен кикілжің олардың келешегіне қауіп әкелмек.

Сериалға «Даунтон Аббаттығы» авторлары атсалысқан. Премьерасы 16 наурызда.

Отан: Форт Салем / Родина: Форт Салем / Motherland: Fort Salem

Фантастикалық драмада 300 жыл бұрын Салем мыстандарының үкіметпен жасаған келісімі сюжет өзегі болады. Келісімге сәйкес сиқыры бар әйелдер қудалаудан босатылады, есесіне олар ел игілігіне қызмет етеді. Барлық әскери іс-қимылдарға, террористік актілерге салемдік мыстандар өз қабілетін пайдаланып, АҚШ билігіне көмектеседі. Қазіргі заманда Салем әскери фортқа айналып, онда мыстан жауынгерлер жаттығады. Басты кейіпкерлер – қызметке жаңа қабылданған үш сиқыршы қыз.

Көрсетілімі 18 наурыздан басталады.

Барлық жерді өрт шарпыды / И повсюду тлеют пожары / Little Fires Everywhere

Мини-сериал форматындағы жоба америкалық жазушы Селеста Ингтың аттас романына негізделген. Басты кейіпкер – үлгілі шаруақор әйел миссис Ричардсон. Ол үйінде ғана емес, төңіректің бәрін өз бақылауында ұстағанды ұнатады. Бірде Миа есімді бір келіншек пайда болады. Ол бөтен адам орнатқан ережеге бағынып үйренбеген, өз дегенімен өмір сүргенді ұнатады. Бір-біріне қарама-қайшы екі кейіпкердің арасында кикілжің пайда болады.

Басты рөлде Риз Уизерспун ойнайды. Сериал 19 наурызда шығады.

Патшаға жазылған хат / Письмо для короля / The Letter For The King

Нидерландта түсірілген отбасылық фэнтезидің сюжеті орта ғасырлық әлемде өрбиді. Тьюри есімді жас атқосшыға ерекше тапсырма беріледі: үш патшалықты кесіп өтіп, Патшаға құпия хат жеткізу керек. Бүкіл патшалықтың тағдыры оның тапсырмасына байланысты екенін ол әлі түсінбеген болатын.

Сериал дат жазушысы Тонке Драгттың 1962 жылғы ертегі-романына сүйенген. 20 наурыздан бастап көрсетіледі.

Селф-мейд: Мадам Си Джей Уокер / Self Made: Inspired by the Life of Madam C.J. Walker

Өмірбаян-драма 1 млн доллар тапқан тарихтағы алғашқы қара нәсіл әйелдің өмірін баяндайды. Афроамерикалық кәсіпкер Си Джей Уокер шаш күтіміне арналған құрал ойлап табады. Нәсілшілдік сегрегация заманында өмір сүргеніне қарамастан, Уокер өз компаниясын құрып қоймай, басқа да әйелдерге кәсіпкерлік бойынша көмектесті.

Сюжеті Си Джей Уокердің ұрпағы Алейла Бандлздың кітабы бойынша жасалған. Премьерасы 21 наурызда.

ФрейдFreud

Мини-сериал түріндегі детективке психоанализ теориясының негізін қалаушы Зигмунд Фрейдтің өмірі арқау болған. Оқиғасы Австрияда ХІХ ғасырда өрбиді. Басты кейіпкер медиуммен және жергілікті полициямен бірігіп Венаның мазасын алған кісі өлтірушінің ізіне түседі. Фрейд тергеуге өзінің новаторлың әдістерін қолданады.

23 наурыздан бастап көрсетіледі.

Қаңғыбас патшайым / Бродячая королева / Vagrant Queen

Аттас комикс бойынша түсірілген фантастикалық сериалдың әлемі кең: республикаға айналған патшалық, галактика мен алыс әлемдер. Басты кейіпкер – Элида тақ мұрагері. Алайда жастайынан жетім қалып, галактиканың қиыр түкпірінде жасырынып жүреді. Ол күндердің күнінде республикаға айналған өз отанына оралуға мәжбүр болады.

Премьерасы: 28 наурыз

Кезекті маусыммен шыққан сериалдар:

12 наурыз:

Менің ауданымда / На районе / On My Block; комедия (АҚШ): 3 маусым

20 наурыз:

Оқ өтпес / Пуленепробиваемый / Bulletproof; боевик, қылмыстық (Ұлыбритания): 2 маусым

24 наурыз:

Наша девочка / Our Girl; драма, әскери (Ұлыбритания): 4 маусым

28 наурыз:

Озарк / Ozark; драма, қылмыстық (АҚШ): 3 маусым

2020 жылғы наурыздың сериалдары

Антиутопия мен балама тарих. Наурыз телепремьералары арасында фантастика мен фэнтези туындылар көп екен. Наурыздың жаңа сериалдарына арналған шолуымыздың алғашқы бөлігін ұсынамыз.

Крестер мен нөлдер / Крестики-нолики / Noughts & Crosses

Сериал 2001 жылы шыққан Иэн Рэнкиннің аттас роман-антиутопиясы бойынша түсірілген. Оқиғасы балама Англияда ХХІ ғасырда өрбиді. Сэфи мен Каллум түрлі нәсілдің өкілдері, бірақ бір-бірін сүйеді. Оларға бірге болуға тыйым салынған, бірақ теңдік үшін күреседі. Бір қызығы бұл ғаламда – қара нәсілділер үстем там өкілі де, ақ нәсілділер қоғамның төменгі табы саналады.

Премьерасы: 5 наурыз

Таңғажайып оқиғалар / Удивительные истории / Amazing Stories

1985-1987 жылдар аралығында көрсетілген аттас антологияның ремейкі. Фэнтези мен хоррор элементтері бар сериал Спилбергтің идеясына құрылған болатын. 5 «Эмми» алған осы тележобаның жаңа нұсқасы көрермен назарына ұсынғалы тұр. Apple TV+ стриминг сервисінің сериалында әр эпизод белгілі бір тақырыпты қозғайды.

Премьерасы: 6 наурыз

Құрылғышылар / Разрабы / Devs

Мини-сериал форматындағы фантастикалық драма. Сюжетте Лили есімді компьютер маманы туралы баяндалады. Қыз озық технологиялық компанияда жұмыс істейді. Ол өзінің жігітінің өліміне осы фирма басшылығы кінәлі деп санайды. Қылмыстың ізін табамын деп жүріп құпия бөлімше туралы біледі.

Премьерасы: 6 наурыз

Көп балалы / Настрогали / Breeders

Мартин Фриманның қатысуымен түсірілген британ комедиясы. Сериал Пол және Элли есімді үш баласы бар ерлі-зайыпты төңірегінде өрбиді. Олар жақсы ата-ана болу үшін барын салып тырысады. Бірақ қазіргі заманда отбасылық өмір мен жұмыс, достар мен туыстар арасында тепе-теңдік сақтап тұру қиынның қиыны.

Премьерасы: 13 наурыз

Америкаға қарсы қастандық / Заговор против Америки / The Plot Against America

Америка Құрама Штаттарының балама тарихын баяндайтын мини-сериал. Сюжетке Филип Роттың аттас романы негіз болған. 1940 жылы Франклин Рузвельт сайлауда изоляционист және авиация батыры Чарльз Линдбергке жол береді. Осыдан кейін жаңа президент Адольф Гитлермен одақтасып, елде антисемиттік бағдарлама бастайды. Басты кейіпкерлер – Нью-Джерсиде тұратын еврей отбасы елде нацистік диктатураның қалыптасып келе жатқанына куә болып, бақытты өмірдің соңғы күндерін сүріп жатады.

Премьерасы: 17 наурыз

Кезекті маусыммен шыққан сериалдар:

2 наурыз
– Өтірікші / Лжец / Liar; драма, триллер (Ұлыбритания): 2 маусым

6 наурыз
– Кастлвания / Castlevania; фэнтези, үрейлі, триллер, мультфильм (АҚШ): 3 маусым

14 наурыз
– Патшалық / Королевство / Kingdom; драма, боевик, үрейлі, триллер (АҚШ, Оңтүстік Корея): 2 маусым

16 наурыз
– Қара дүйсенбі / Черный понедельник / Black Monday; комедия (АҚШ): 2 маусым
– Батыс әлемі / Мир дикого запада / Westworld; драма, фантастика, вестерн (АҚШ): 3 маусым

17 наурыз
– Розуэлл, Нью-Мексико / Roswell, New Mexico; драма, мелодрама, фантастика (АҚШ): 2 маусым

Жалғасы бар…