• Біздің парақшалар:

ӘЛЕМДЕГІ ЕҢ АЛҒАШҚЫ ҒЫЛЫМИ-ФАНТАСТИКАЛЫҚ ФИЛЬМ 1902 ЖЫЛЫ ФРАНЦИЯДА ШЫҚҚАН

1902 жылдың 2 мамырында Францияда «Айға сапар» атты әлемдегі алғашқы ғылыми-фантастикалық фильм жарық көрген. 21 минуттық фильмді Жюль Верн шығармасының желісі бойынша режиссер Жорж Мельес түсірген. Кинематография тарихына арналған энциклопедияларда актер әрі режиссер Жорж Мельестің аты «алтын әріптермен» жазылған. Себебі ол сан түрлі деректі фильмдер мен таңғайжайып ертегілер, сюрреалистік кино түсіріп, кинофантастика деген жанрдың пайда болуына түрткі болған. Ағайынды Люмьерлердің ойлап тапқан камерасымен танысқан Жорж Мельес неше түрлі қойылымдық іс әрекеттерді түсіре бастаған. Мысалы ол бір кадрда адамның басы болып, ал екіншісінде жоқ болып кететін әйгілі миниатюраның авторы. Көрермендерге адамның басы сол мезетте шабылып кеткендей елестейтін. Ж.Мельестің кино өнеріне сіңірен еңбегі 1928 жылы бағаланып, Чарли Чаплин оны «жарық алхимигі» деп атаса, Д.У.Гриффит «Мен оған өмір бойы қарыздармын» деген. Ал, 1931 жылы оған Құрметті Легион ордені беріледі.   Егер ағайынды Люмьерлер кинематографта шынайы, реалистік бағыттың негізін қаласа, Жорж Мельес киноға шығармашылық пен қиял, ой еркіндігі мен фантазия әкелді. Режиссердің соңғы күндері қарттар үйінде өткен.

қайнар көз: https://kaztrk.kz/news/portal/page-78563-alemdegi-en-alhashky-hylymi-fantastikalyk-film-1902-zhyl-48392

Пікірлер