• Біздің парақшалар:
  • Мен кіммін - Ешбір жүйе қауіпсіз емес

    Кто я

    Who Am I - Kein System ist sicher

Жыл:
2015
Ел:
Германия
Режиссер:
Баран бо Одар
Басты рөлдерде:
Трине Дюрхольм , Элиас ЭмБарек , Том Шиллинг , Вотан Вильке Мёринг , Кіші Антуан Моно , Ханна Херцшпрунг , Штефан Кампвирт , Леопольд Хорнунг , Катарина Матц , Леонхард Каров
Сценарий:
Баран бо Одар , Янтйе Фризе
Продюсер:
Квирин Берг , Макс Видерманн , Штефан Гёртнер
Жанр:
Триллер
Қазақстандағы табысы:
〒10 279 974
Әлемдік премьера:
6 қыркүйек 2014
Қазақстандағы премьера:
13 тамыз 2015
Жас шектеуі:
Е18 - Он сегiз жастан асқан көрермендерге арналған фильмдер
Ұзақтығы:
102 минут
Суреттеме:

Бенджамин - компьютерді өте жақсы меңгерген жас дарын. Бірақ өмірде ол - ешкім емес. Бірде Макс деген жігітпен танысып, кибер-қылмыстар жасай бастайды...

Рейтинг:

8,5

  • Дауыс бергендер: 2

  • Strict Standards: Only variables should be passed by reference in /var/www/vhosts/kinostan.kz/public_html/application/views/scripts/film/view.phtml on line 193

    Strict Standards: Only variables should be passed by reference in /var/www/vhosts/kinostan.kz/public_html/application/views/scripts/film/view.phtml on line 194
  • IMDb: 7.6(33070)
  • Кинопоиск: 7.428(51313)
Фильмді бағалау үшін сайтқа кіру немесе тіркелу керек.

РЕЦЕНЗИЯЛАР (1)

  • Біз кімбіз?

    Фильм хакерлердің басынан кешкендерін суреттейді десеңіз қателесесіз. Сюжеттегі оқиғалардың өзі сыртқы қабат, бетперде секілді. Арғы жағында адамның болмысы, өз-өзіне деген қатынасы мен өзгелердің көзқарасына қатысты тәмсіл жатыр.

    Бұл кинодан кейін өзіңе сұрақ қоя бастайсың: Мен кіммін? Бетпердесіз адам жоқ екен қазіргі әлемде. Әлеуметтік желіде басқамыз, өмірде басқамыз, әр түрлі ортада түрлі маска киеміз. Тіпті кейде өз-өзімізге арналған, ішкі "меннің" алдына тағып баратыз бетпердеміз де бар. Шын мәніндегі кім екенімізден шатасып кеткендейміз.

    Фильм бел ортасынан аса бастағаннан кейін Финчердің "Төбелес клубы" мен Бойлдың "Трансына" ұқсастықтар кездестіре бастайсыз. Уақыт өте келе неміс кинематографистерін тіпті плагиат, арзан көшірме үшін айыптай бастайсыз. Бірақ түпкілікті қорытынды жасауға асықпаңыз.

    Картинада ақпараттық технологиялар қауіпсіздігі мен ақпарат заманында өмір сүріп жатқан адамдардың психологиясы ерекше қарастырылған. Хакерлік шабуылдар мен желідегі түрлі құйтырқы тірліктер қарапайым көрерменге түсініксіз көрінбеуі үшін, сюжеттің осы күрделі бөлігі керемет визуализация арқылы ұғымды формамен жеткізіледі. Бұған техно стиліндегі электронды музыкамен әрленуін қосыңыз, сонда кино авторлары бергісі келген атмосфера толығымен көз алдыңызда жасақталып шыға келеді.

    Фильм кейіпкерлерін де, экран алдындағы көрермендерді де керемет фокус күтіп тұр. Менің кинодан осылайша үлкен ләззат алмағаныма көп болыпты.