• Біздің парақшалар:
  • Маймылдар ғаламшарының көтерілісі

    Восстание планеты обезьян

    Rise of the Planet of the Apes

Жыл:
2011
Ел:
АҚШ
Слоган:
"Evolution Becomes Revolution"
Режиссер:
Руперт Уайатт
Басты рөлдерде:
Том Фелтон , Джеймс Франко , Фрида Пинто , Джон Литгоу , Брайан Кокс , Энди Серкис , Тайлер Лабайн , Дэвид Ойелоуо , Джэми Харрис , Терри Нотари
Сценарий:
Пьер Буль , Рик Джаффа , Аманда Сильвер
Продюсер:
Питер Чернин , Дилан Кларк , Рик Джаффа , Аманда Сильвер
Жанр:
Драма , Триллер , Боевик , Фантастика
Бюджет:
$93 000 000
Әлемдік табысы:
$481 282 802
Әлемдік премьера:
3 тамыз 2011
Қазақстандағы премьера:
3 тамыз 2011
Жас шектеуі:
PG-13 - 13 жасқа дейінгі балаларға көруге ұсынылмайды
Ұзақтығы:
105 минут
Суреттеме:

Фильмдегі оқиға қазіргі Сан-Францискода өтеді және маймылдарға генетикалық эксперименттер жүргізген ғалымның төңірегінде өрбиді. Оның тәжірибелерінің нәтижесі маймылдардың интеллект дамуының жоғарғы сатысына көтерілуіне әкеліп соғады. Өздерінің бағыныштылық ахуалдарын түсініп, көтеріліске шығады және адамдарды табиғат иелері атағынан айырады.

Рейтинг:

6,667

  • Дауыс бергендер: 6

  • Strict Standards: Only variables should be passed by reference in /var/www/vhosts/kinostan.kz/public_html/application/views/scripts/film/view.phtml on line 193

    Strict Standards: Only variables should be passed by reference in /var/www/vhosts/kinostan.kz/public_html/application/views/scripts/film/view.phtml on line 194
  • IMDb: 7.6(477847)
  • Кинопоиск: 7.409(105590)
Фильмді бағалау үшін сайтқа кіру немесе тіркелу керек.


РЕЦЕНЗИЯЛАР (2)

  • Юлий Цезарға жасалған сәтсіз пародия

    «Маймылдар көтерілісін» көргеннен кейін келген ой осындай болды (Тақырып атауын қараңыз).

     Ресми суреттемесі естеріңізде ме? Еске салайын: Фильмдегі оқиға қазіргі Сан-Францискода өтеді және маймылдарға генетикалық эксперименттер жүргізген ғалымның төңірегінде өрбиді. Оның тәжірибелерінің нәтижесі маймылдардың интеллект дамуының жоғарғы сатысына көтерілуіне әкеліп соғады. Өздерінің бағыныштылық ахуалдарын түсініп, көтеріліске шығады және адамдарды табиғат иелері атағынан айырады.

    Осыдан кейін не күтеміз? Әрине, маймылдар мен адамдар арасындағы әлем үшін соғыс. Соғыс жоқ емес болды, бірақ суреттемеде айтылғандай, әлемді билеу үшін емес.

     

    Жалпы, адам баласына қызықты тақырып десек болады бұны. Өзгені қайдам, бірақ мен үшін жануарлардың, солардың ішінде маймылдардың санасының деңгейі қандай екен деген сұрақ іштей болса да туындайтын. Бұндай ой бәріңіздің де бастарыңызға келген шығар. Немесе, аталған фильмді көргеннен кейін келуі мүмкін.

     

    Фильм не туралы? Картинада маймылдардың миына жасалған эксперименттер көрсетіледі. Яғни олардың интеллект деңгейін өсіретін дәрілер сыналады. Сондай эксперимент құрбандарының бірі – Цезарь есімді шимпанзе болатын. Кішкентай кезінен дәрінің әсері бірден сезілген аса дарынды маймылды сырт көзден жасыру үшін, сынақшы ғалым оны өз үйінде ұстайды. Өз баласындай көріп, адамнан кем етпей жағдай жасайды. Бірақ, сананың аты сана – маймыл өзінің адамнан қашан да төмен тұратынын қоршаған ортадағы факторлар арқылы түсінеді.

     

    Әрине, көтеріліс үшін ақылды жануарға бұл да жеткілікті шығар. Оның үстіне, режиссер Руперт Уайатт та туындысының шарықтау шегін осы жерге әкеліп тірепті. Бірақ, эксперименттің санаулы құрбандары бүкіл адамзатты қалай бағындырмақ? Осы жағына сценариші мырзалар мән бере қоймаған секілді. «Массовкіде» шауып жүрген маймылдар жай тобыр ғана. Халықша айтқанда, «зоопарктен қашып кеткендер». Оларға көтіріліс идеясы жаппай қалай тез тарады, бұны да сценарийге жауапты мамандар ескерусіз қалдырыпты.

     

    Ал, жарайды маймылдардың бәрі бізге белгісіз бір себеппен саналы бола қалды делік. Сөйтіп, ақылды мақұлықтар азаттық көтерілісіне шықты. Әрі қарай…

     

    Сценаристтер фантазиясында тағы бір тоқыраудың элементтерін байқаймыз. Қайда маймылдарға күш-қуат беретін факторлар? Қайда билік үшін таластағы аянышты да, жаныңды ауыртар қазалар мен құрбандар?

     

    Жалпы, аталған фильм бізге не береді? Әдемі компьютерлік графиканы, үйлесімді саунд немесе әуенді, актерлердің шебер қойылымын және маймылдардың әдемі трюгін картинадан тамашалай алатыңызға кепілдік беремін. Айтпақшы, ұмытып барамын – түрі шимпанзеден гөрі, психиологиялық ауытқушылығы бар адамның келбетіне көп ұқсайтын «ұлы» көшбасшы – Цезарды көресіз.

     

    Фильмнен біз нені күттік? Әлемді билеуге ұмтылған ақылды маймылдардың әрекетін. Адамдардың бақылауды уысынан шығармау жолындағы арпалысы. Саналы омыртқалылар мен санасыз омыртқалылар арасындағы мазмұнды текетірес. Ғаламды өзгертіп жіберетіндей апат. Ең болмаса, шынайы сюжет күттік емес пе? Есесіне, қаланың сыртындағы биік ағаштың басына шығу үшін бунт ұйымдастырған ақылды маймылдың ереуіліне куә болдық. Фильмнің осы жерден біткенін көргенде: «Шынымен де осы бір ағаштың басына шығу үшін бе бұның бәрі?» деп сұрағың келеді кейіпкерден.

     

    2001 жылы шыққан «Маймылдар ғаламшары» анағұрлым әсерлі болғанына анық көзім жетті. Кешіріңіз, он жылдан кейінгі оның идеологиялық жалғасы өз мақсатыне жете алмаған секілді. Сондықтан да, 10 балдың 5-ін ғана бере аламын.

     

  • «Маймылдар планетасының көтерілісі» немесе экшн философия

    Свобода есть единственная характерная черта цивилизации…

     Лев Ильич Мечников


    «Маймылдар планетасы» — бір емес, екі емес, желісі бойынша жеті рет фильм түсірілген Пьер Буль атты жазушының ғылыми-фантастикалық романы.


    Ал, экрандағы «Маймылдар планетасы» — бес фильмнен тұратын пенталогия (1968-1973 жылдары түсірілген). Менің көршім айтып жүрген, Тим Бертон түсірген «Маймылдар планетасы» (2001 ж.) – шын мәнінде 1968 жылы шыққан алғашқы фильмның римейкі.


    Биылғысы – спин-офф, яғни бұрын жарық көрген туындының оқиғасын, кейіпкерлерін негізге ала отырып жаңа жобаның жүзеге асырылуы. Ал, жоба жүзеге асты ма, жоқ па, оны уақыт көрсетер.

    Фильмды жарытып табыс таппаса да, прокатта омақаса құлады деп айтуға келмес, себебі мұндай мазмұндағы, бағыттағы туындылар көрермен тарапынан әрқашан қызығушылыққа ие.


    Жеке өз басыма, техникалық-прогрестік аспектіден бөлек, тұңғыш рет режиссер болып отырған Руперт Уайттың еңбегінің көрерменге қажетті дозада адамшылық туралы ойларды жеткізе білгені ұнады.

    Алғашқы жарты сағатта «көргенім дұрыс болды ма, жоқ па» деп күмәндансаң да, артынан бойыңды жақсы фильмнен алатын кәдуілгі қанағатпен қатар, үлкен масштабты ойлардың да кернейтіні бар.

     

    Ол ойларға негіз болатын, әрине, бас кейіпкер – шимпанзе Цезарь. Бет әлпетінің, қимыл қозғалысының, ең бастысы көзқарасының сауатты жасалғаны сонша, оның жасанды, графикалық бейне екеніне күмәнданып қаласың. «Аватар», «Кинг-Конг», «Сақиналар әміршісінің» арнайы эффектілерін жасаған Weta Digital компаниясы «Маймылдар планетасының көтерілісін» де қолға алыпты. Нәтиже көзге ұрып тұр.


    Кім біледі, арнайы эффекті жасаушылардың шеберлігі болмаса, фильм сәтсіз шығар да ма еді… Алайда, негізгі кейіпкерлер — маймылдар кадрда сауатты көрінген соң, бірді-екілі актердың кәсіби таяздығы соншалықты «жынға тимейді».


    Философия мен экшннан тұратын туынды әу бастан-ақ жаман болмауы тиіс-ті. Әлдебір жанама фактордың (мейлі ол табиғи эволюция болсын, мейлі ол фильмде көрсетілген вирус болсын) әсерінен санасы оянып, қатарластарынан оқ бойы озып кеткен тіршілік иесінің қоршаған ортаға деген көзқарасының өзгеруі өте шынайы шыққан.


    Жылы үйде, адамшылық пен мейрімділіктің ортасында ер жеткен Цезарьдың агрессияға бой алдырып, тұқымдастарын жинап, көтеріліске шығуына ең бірінші Адамның кінәлі екенін фильмнен түсіну қиын емес.

    Оқ пен оттың ортасында өлісі қалып, тірісі ту-талапайға ұшыраса да, адамзат қаласының (өркениетінің деп оқыңыз) ортасындағы алақандай орманға қол жеткізу, сол арқылы өзі көрмеген, алайда қанында бар қасиеттер арқылы сезінетін бостандыққа иелік ету бас кейіпкердің айтылмаған арманы болды.

    Міне, осындай пафосты, жоғары идеяны анау-мынау блокбастерден қалыспайтын экшн кадрлар әрлеп отырады. Көпір үстіндегі қыбырлаған маймыл, тікұшаққа секірген горилла, темір лақтырған бабуин, қираған ғимараттар, тиянақты түрде ойластырылған қашу жоспары…

     

    Бірақ, ақыр соңында Сіздің есіңізде Цезарьдың орман ортасында тұрып бұрынғы иесі Уиллға «Цезарь үйде» деп айтқаны қалары анық...