• Біздің парақшалар:
  • Горько!

    Kiss them All!

Жыл:
2013
Ел:
Ресей
Слоган:
"Главное не нажраться"
Режиссер:
Жора Крыжовников
Басты рөлдерде:
Сергей Светлаков , Елена Валюшкина , Юлия Александрова , Егор Корешков , Ян Цапник , Василий Кортуков , Юлия Сулес , Данила Якушев , Валентина Мазунина , Сергей Лавыгин , Александр Паль
Сценарий:
Николай Куликов , Жора Крыжовников , Алексей Казаков , Илья Бурец
Продюсер:
Тимур Бекмамбетов , Сергей Светлаков , Илья Бурец , Дмитрий Нелидов
Жанр:
Комедия , Қызық оқиғалы
Бюджет:
$1 500 000
Қазақстандағы табысы:
〒143 962 787
Әлемдік премьера:
24 қазан 2013
Қазақстандағы премьера:
24 қазан 2013
Жас шектеуі:
Е16 - Он алты жасқа дейiнгi көрермендерге ата-аналарымен бiрге көруге ұсынылатын фильмдер
Ұзақтығы:
100 минут
Суреттеме:

Жаңашыл, талантты Наташа мен Рома тойларын еуропалық үлгіде теңіз жағасында өткізгілері келеді. Бірақ Наташаның өгей әкесі басқа сценарий әзірлеп қойыпты. Қала әкімшілігінің дөрекі шенеунігі той салтанатын қызметтік бабының мәселелерін шешу мақсатымен өз үлгісімен өткізбек болады. Жас жұбайларды "Золотой" мейрамханасында көпшіліктің қалауына сай келетін кеш күтіп тұр. Армандарындағы тойды өткізбек болған жастар ата-анадан құпия тағы бір кеш ұйымдастырады. Бірақ күтпеген жерден екі той бірігіп кетеді.

Рейтинг:

7

  • Дауыс бергендер: 2

  • Strict Standards: Only variables should be passed by reference in /var/www/vhosts/kinostan.kz/public_html/application/views/scripts/film/view.phtml on line 193

    Strict Standards: Only variables should be passed by reference in /var/www/vhosts/kinostan.kz/public_html/application/views/scripts/film/view.phtml on line 194
  • IMDb: 5.4(2352)
  • Кинопоиск: 5.309(86436)
Фильмді бағалау үшін сайтқа кіру немесе тіркелу керек.


РЕЦЕНЗИЯЛАР (2)

  • - Әй, тойдың дискісін қосшы, дұрыстап көрейік!

    (Кез-келген тойдың ертеңіне айтылатын сөз)

     

    Ресейде осыған дейін мокьюментари стилінде кино түсіру әрекеттері болған, бірақ бұл жолғысы осы жанрдың ең үздік мысалы атануға лайық.

    Фильмдегі әңгіме отау құрғалы жатқан екі жас туралы. Қыздың арманы - тойды теңіз жағасында өткізу. Бұл орындалмайтын арман емес: кейіпкерлер Қара теңіз жағасында орналасқан курорт-қала Геленджик тұрғындары.

    Бірақ ата-ана тойды өздерінше, қала ішіндегі мейрамханада, жұрт қатарлы өткіземіз дегендерінен танбайды. Ақыры екі жас бір қулыққа көшеді: той кезінде олар теңіз жағасына қашып кетіп, өздері ойлаған кешті бөлек өткізбек.

    Өмір күтпеген оқиғаларымен қызық емес пе? Жас жұбайлардың жоспары ойдағыдай іске аса қоймайды. Әрине бұның бәріне ата-ана мен олардың туған-туыстары кінәлі.

    Алысқа бармай-ақ, өзіміз қатысып жүрген тойларды еске алайықшы. Қонақтардың ішінде міндетті түрде келесі персонаждар болады: түрмеге отырып келген, ішіп алса алжып кететін бір туыс, басқа ауылдан автобуспен шұбырып келген құда-жекжаттар, бір-бірін тыңдамайтын, "той десе қу бас домалайдыны" мерзімінен бұрын іске асыратын басқа да көңілді тобыр және өздерін бөтен салтанатта жүргендей сезінетін екі жас. Айтпақшы, бұлардың барлығын үнсіз камераға түсіріп жүрген оператор-баланы қосыңыз.

    "Горько" қатардағы отбасылар өткізіп жүрген тойдың мысалы іспетті. Бәрі шынайы, бәрі өзіміз көріп жүрген кадрлар.

    Фильм басталғаннан-ақ күлкілі сәттерге толы. Екі жақтың танысып, тойға дайындығы, қонақтарды қарсы алу мен келінді сатып алу, некелесіп, қаланың әдемі жерлерін аралау - бәрі комедиялық оқиғалармен шынайы жеткізілген. Фильмнің екінші жартысы көрерменді мүлдем түңілтіп жіберетіндей трагедиялы және көңілсіз жағдайларға толы. Бұл да өмірдегідей: тойдың соңы төбелес пен айқай-шуға ұласқан жағдайларды көзіміз көріп жүр. Ата-ананың эгоистік сөздеріне ілесемін деп, өздері ойлаған тойды көре алмаған жас жұбайлар үшін шын көңілден жанымыз ауырып отырды.

    Бұл фильмде комедия да, трагедия да барынша молынан. Ата-ана мен ұл-қыз арасында той қарсаңында туындайтын келіспеушіліктер дәл жеткізілген.

    "Тойдың дискісін" кинотеатрдан көргілерің келсе "Горько"-ға барыңдар. Жастар бақытты болсын!

  • Өй, сендер той өткізуді білмейсіңдер :)

    Ресейліктер ұсынған  "Горько" фильмін көріп отырып жоғарыдағыдай ой келді. Біз қанша дегенмен қала да тұрамыз, көйлек, жүзік, фотограф, той залын таңдау деген бізге қиындық тудырмайды. Бірақ ауылда той жасауды елестетіп көріңізші...

    Кішігірім қала әкімінің қызы мен жай қарапайым жігіт үйленбекші болады. Әрине, әкім болып бәрін басқарып қалған әке бәрін өзі жасап қызын риза еткісі келеді, бірақ жалғыз қызының қалауын ескергісі келмейді... Нағыз, біздің жағдайға ұқсас иа. Бәрін тұрмыс билегені соншалық армандаған тойың басқаша сценарий бойынша іске аса бастайды.

    Бірақ, су перісі тақырыбында тойын өткізгісі келетін қалыңдық пен жігіт басқа жақта өздері қалағандай ерекше той жасауға қамданып кетеді. Бірақ, бәрінің астан-кестені шығып жатыр...

    Қанша биікке ұмтылсаңда өз болмысыңнан, өзің тәрбиеленген ортаң мен ата-анаңнан аттай алмайсың...

    Кино адамға позитив сыйлай алады, қызықты өте. Тіпті киноның аяғының өрібігеніне қарап, соңы не болар екен деген қорқынышта пайда болады.

    Кино да қарапайым ауыл тойы, қарапайым адамдар, ең сен ұялатын мас туысқандар жайлы анық көрсетілген. Киноны қарап отырып бір қазіргі кезде жоғалып бара жатқан қарапайымдылық пен шынайылық бар. Білмейм, шынайылық дегенім өзім ауылдық болғасын да сондай бір ауылдық нәрсенің иісі шығып тұрғандай...

    Пы.Сы: Күлгім келеді, күздік депрессиядан айырылып, америкалық нәшәр қалжың кинолардан арылғыңыз келсе "Горько" киносына барыңыз дер едім. Рас, мән іздеп, ерекше дүние іздеп емес жәй ғана тойдағыдай көтеріңкі көңіл күйге ие болып қайту үшін... Жәй ғана күліп, көңілді көтеріп қайту үшін киноға барайықшы :)