• Біздің парақшалар:
  • Кэрри

    Телекинез

    Carrie

Жыл:
2013
Ел:
АҚШ
Режиссер:
Кимберли Пирс
Басты рөлдерде:
Джуди Грир , Хлоя Грейс Морец , Джулианна Мур , Саманта Вайнштейн , Габриэлла Уайлд , Портия Даблдэй , Алекс Расселл , Зои Белкин , Энсел Элгорт , Бэрри Шебака Хенли
Сценарий:
Стивен Кинг , Роберто Агирре-Сакаса
Продюсер:
Кевин Мишер
Жанр:
Драма , Үрейлі
Бюджет:
$30 000 000
Әлемдік табысы:
$78 566 619
Қазақстандағы табысы:
〒62 710 990
Әлемдік премьера:
7 қазан 2013
Қазақстандағы премьера:
14 қараша 2013
Жас шектеуі:
R рейтингі - 17 жасқа дейінгі тұлғалар үшін ересектердің қадағалауы міндетті
Ұзақтығы:
100 минут
Суреттеме:

Кэрри есімді оқушы қыз телекинездік қасиеттерге ие. Дінге берік анасы тарапынан көрген қысым мен құрдастарының кемсітуі оның тылсым қабілетін тіптен ушықтыра түседі. Мектеппен қоштасу кешінде сыныптастары оны келемеж етпек болады, бұл жаман нәтижеге алып келеді.

Рейтинг:

6,5

  • Дауыс бергендер: 2

  • Strict Standards: Only variables should be passed by reference in /var/www/vhosts/kinostan.kz/public_html/application/views/scripts/film/view.phtml on line 193

    Strict Standards: Only variables should be passed by reference in /var/www/vhosts/kinostan.kz/public_html/application/views/scripts/film/view.phtml on line 194
  • IMDb: 5.9(125545)
  • Кинопоиск: 5.894(72148)
Фильмді бағалау үшін сайтқа кіру немесе тіркелу керек.


РЕЦЕНЗИЯЛАР (2)

  • Үндемегеннен үйдей пәле шығады

    Стивен Кингтің шығармасына негізделген кезекті экранизация саспенске тән сюжетімен, үрей шақырар музыкасымен және Хлоя Грейс Морецтің әдемі ойынымен ерекшеленді.

    "Кэрри" романы осыған дейін екі рет экранға шығарылған. Мынау - үшіншісі. Бұған дейінгі фильмдердің қаншалықты табысты болғанын айта алмаймын, бірақ деңгейлері шамалас деп топшылап отырмын.

    Сюжетте тұйық мінезді, жасырын қабілетінің кесірінен достары да, құрбылары да жоқ қыздың бейнесі жақсы жеткізілген. Сырт көзге жуас көрінетін мінезіне бола құрдастары оны кемсітіп, келемеж етіп жүреді. Анасы да дінді тым фанатизммен қабылдаған біртүрлі адам. Төңірегінде өзін түсінетін жан таба алмаған жас қыздың шыдамы да шегіне жетеді. Мектеппен қоштасу кешінде өзіне жасалған кезекті қастандық бәрі үшін жаман аяқталады.

    Автордың көрсеткісі келгені де ерекше болудан қорқатындар туралы секілді. Өйткені, бәріміз жұрттың күлкісіне қалмауды ойлаймыз. Көп нені істесе, біз де соны қайталаймыз. Біреу өзгелерге ұқсамаса сыртынан күліп, келемеж етеміз.

    Сыйластық пен түсіністік қажет бәрімізге. Менің кинодан түйгенім осы.

    Фильмнің музыкалық сүйемелденуі керемет. Сюжеттегі шиеленіс пен бір қатердің боларын өрши түсетін музыкадан білуге болады. Фильм айтарлықтай хоррор емес, бірақ музыкасы денеңді түршіктірер әсер береді.

    Кинодағы әр жұмысы сайын жарқырай түскен, әдемі рөлдерімен танымалдығы арта түскен Хлоя Грейс Морец бұл жолы да мақтауға тұрарлық. Жылы жүзді осы бойжеткен мейлі вампирді ойнасын, мейлі сотқар қызды ойнасын - бәрібір образдарынан жек көретіндей ешбір белгі таппайсың.

    Арнайы эффектілері сауатты жасалған, оқиғалардің өрбуі дегбіріңді алып шыдамсыздандыра түсетін, қанды қырғынға толы драма іздесеңіз - "Кэрри" сіз үшін.

  • Стивен Кингтың әр киносы мен кітабы болсын осындай бір күрделі оқиғаға, адам күтпейтін кейіпкерлерге толы болады. Басында ойлайтынмын осыншама қиялилықта адамға ақша мен табыс әкеле алады екен деп, дегенмен оны шеберлікпен жеткізе білуде үлкен өнер ғой. Әйтпесе қаншама қияли бар, жынды деген атқа ие :). Бір сұхбатында Стивен Кинг: "өзім ойлап тапқан кейіпкерлер өзіме маза берер емес, түсіме кіріп өзімді де қорқытады" деп мойындапты. Енді ше, кеше көрген Телекинез (Кэрри) фильмі адам ойына келмейтін кейіпкердің өмірін бізге ұсынды.

    Мектептің соңғы сыныбында оқитын Кэрри мен анасын елдің бәрі бір түрлі санайтын, себебі Кэрри мен анасы тек екеуміз ғана құдайға сенуші, өмірде барлығымыз, істеген істеріміз күнә оны ақтаудың жалғыз жолы өзіңді жазалау деп ойлап өмір сүретін адамдар. Мектептегі қыздар Кэрриді әбден мазақ етіп, ылғи түрткіштеп жүретін. Олар да анасы да тіпті Кэрриде білмейтін Кэрридің бір қасиеті бар еді. Ол телекинездігі. Телекинез- адамның өз ойымен заттарды бағындырып, бар істі ойымен істеуі.

    Кэрри мектеп бітіру кешіне мектептің ең сымбатты жігітінен шақыру алып би кешіне бармақшы болады. Қарсы болған анасын, бөлмесіне қамап тастап өзі тіккен әдемі көйлекпен кетеді. Жамандықты бір жасап қалған сыныптастары Кэрриге сорақы сый дайындап қойған еді. Бәрі де осы сәттен басталады...

    Өзінің мүмкіндігі мен қасиетін саралап, дұрыс бағытқа қойып үлгермеген Кэрри өзін ренжіткендердің бәрін қырып салады...

    Жалпы, мен кинодан ұққаным бір нәрсеге, бір сенімге берілу дұрыс еместігі. Егер анасы телекинездігін жаза деп ұқпай дарындылық деп ұғып басқа тәрбие берсе осыншама қан төгіс болар ма еді?

    Кино да, отырған кезде әр сәтте енді не болады деген қорқыныш адамды билеп отырады, сәтті таңдаған музыка адамның қорқу адреналинін арттырады... Бірақ, кино тез бітіп қалған сияқты әсерде қаласың... Барып көруге кеңес берем, біраз ойыңызды алан-сапыранға түсіріп қайтыңыз..

    Әлемді мейірімділік пен адамдық билейді, қате кеткен кезіңде өз уақытыңды тоқтай алған дұрыс дейтін сияқты. Қазақта айтады, тыныш жатқан жыланның құйрығын баспа деп...