• Біздің парақшалар:
  • Хоббит: Смаугтың тақыры

    Хоббит: Пустошь Смауга

    The Hobbit: The Desolation of Smaug

Жыл:
2013
Ел:
АҚШ , Жаңа Зеландия
Слоган:
"Beyond darkness... beyond desolation... lies the greatest danger of all"
Режиссер:
Питер Джексон
Басты рөлдерде:
Хьюго Уивинг , Энди Серкис , Кристофер Ли , Мартин Фриман , Иэн МакКеллен , Ричард Армитедж , Джеймс Несбитт , Кен Стотт , Кейт Бланшетт , Иэн Холм , Бенедикт Камбербэтч , Орландо Блум , Люк Эванс , Грэм МакТавиш , Дин О’Горман , Эйдан Тернер , Джед Брофи , Марк Хэдлоу , Стивен Фрай , Сильвестр МакКой , Уильям Кирчер , Стивен Хантер , Джон Коллен , Питер Хэмблтон , Эванджелин Лилли , Ли Пейс
Сценарий:
Питер Джексон , Фрэнсис Уолш , Филиппа Бойенс
Продюсер:
Питер Джексон , Фрэнсис Уолш , Кэролинн Каннингэм
Жанр:
Драма , Фэнтези , Қызық оқиғалы
Бюджет:
$225 000 000
Әлемдік табысы:
$834 340 000
Әлемдік премьера:
2 желтоқсан 2013
Қазақстандағы премьера:
19 желтоқсан 2013
Жас шектеуі:
PG-13 - 13 жасқа дейінгі балаларға көруге ұсынылмайды
Ұзақтығы:
161 минут
Суреттеме:

Тұманды таудан өткеннен кейін, Торин мен оның достары Түнек орманы арқылы жүруі тиіс. Олар осы қауіпті сапарға аттанбас бұрын құдіретті бейтаныс адамнан көмек сұрамақ болады. Саяхат Жалғыз таудан аяқталып, бұл жерде Бэггинс Смаугтың қазынасы сақталған жасырын есікті табуы тиіс...

Рейтинг:

8

  • Дауыс бергендер: 2

  • Strict Standards: Only variables should be passed by reference in /var/www/vhosts/kinostan.kz/public_html/application/views/scripts/film/view.phtml on line 193

    Strict Standards: Only variables should be passed by reference in /var/www/vhosts/kinostan.kz/public_html/application/views/scripts/film/view.phtml on line 194
  • IMDb: 7.8(569055)
  • Кинопоиск: 7.97(219794)
Фильмді бағалау үшін сайтқа кіру немесе тіркелу керек.


РЕЦЕНЗИЯЛАР (2)

  • Аркенстон қайдасың?

    Сонымен қарапайым хоббит пен жауынгер гномдардан құралған саяхат жалғасын табуда. Бірінші бөлімде орктардың қоршауынан бүркіттердің көмегімен құтылған саяхатшылар көз ұшында менмұндалаған Жалғыз тауға қауіпті сапарларын жалғастырады.

    Әрине "Хоббит" пен "Сақиналар әміршіcінің" фанаттары үшін Толкиннің әлеміне қайта оралу үлкен оқиға болары анық. Десек те Бильбо Бэггинстің бұл қауіпті сапардан аман-есен оралатынын әуелден-ақ білеміз. Жо-жоқ бұл спойлер емес, бұл "Сақиналар әміршісінен" белгілі жағдай. Сондықтан ба "Хобиттің" екінші бөлімі - әдемі арнайы эффектілері мен сапалы графикасына, мақұлықтар мен басқа да тіршілік иелерінің ап-анық детализациясына қарамастан - көруге деген құштарлық сезімін фильмге дендеп енген сайын бәсеңдете түскендей болды. Бірінші фильмді көрген кездегі болған құмарлық осы жолы аса сезілмеді. Өйкені сюжеттің шешімі алдын-ала белгілі болғандықтан шығар.

    Бұрақ бұл жағдай осы бір тамаша туындының, жылдың негізгі премьерасы атанған фильмнің сапасына кінә артуға негіз бола алмайды. Бәрі де біз күткендей: әдемі пейзаждар, харизмалы кейіпкерлер, бізге "Сақиналар әміршісінен" белгілі атақты актерлердің орындауындағы қаһармандар және басқа да жаңа есімдер, күтпеген қауіптер мен құбыжықтар, ұғынықты сюжет. Көрерменге бұдан артық не керек?

    Күмілжіткен тағы бір жайт - хронометраж еді. Бірақ бұл да тартымды көріністердің арқасында елеусіз қалды.

    Осылардың бәрін ескере отырып, ауқымдылығы үшін фильмге аямастан 8/10 қоюға болар еді, бірақ сюжеттің әу бастан-ақ белгілі болғаны үшін және бұл ертегі әлемінің көрерменін жалықтыра бастағаны үшін 7/10 қоюға мәжбүрмін.

    P.S. Мен байқаған "пасха жұмыртқасы": "Смаугтың тақырында" ең бірінші көрсетілетін адам келбеті - режиссер Питер Джексонның өзі.

  • Батыл хоббиттің хикаясы жалғасуда

    Бұл фильм бір жыл бойы күткен фильмдерімнің бірі болатын. Өзім Джон Толкиннің шығармаларын ұнататындықтан, оның үстіне, режиссер Питер Джексонның бастамасымен түсірілгендіктен болар мүмкін.

    Батыл Бильбо Беггинс және Торин бастаған гномдар әскері сапарларын жалғастыруда. Бұл саяхатта, сонау "Сақиналар әміршісі" фильміндегі эльф нәсілді Леголас та, оның әкесі Трандуил де көрініс тапқан. Фильм түсіруге көмектескен гримерлердің арқасында Орландо Блумды, біздің есіміздегі Леголастан да жас етіп шығарыпты. Бұл фильмге қосымша шынайылық беретін секілді. Дегенімен, сол жастықтан болар мүмкін, Леголас баяғы фильмдегідей емес, қызуқандырақ боп көрінді. Фильм түсірушілер заманға сай, аздап романтика қосуды да ұмытпапты. Оған мысал рестінде Тауриель эльф-жауынгер, әрі батыр әйел мен Кили есімді гном арасындағы байланысты ескере кетуге болады.

    Бильбо жайлы әңгіме бөлек. Оның рөлін Мартин Фримэн аса шеберлікпен сомдаған десем, қателеспеспін. Оның шусыз жүрісіне сенім артқан сиқыршы Гендальф, меніңше, өте дұрыс шешім шығарған. Ол өз серіктері - гномдарды, осы ерекшелігіне байланысты, бірнеше рет ажал аузынан арашалап қалды. Әрине, оған қолындағы сиқырлы сақинаның да көмегі аз болмағаны анық. Бұл жалғыз хоббит пен бірнеше гномдардар тұратын жауынгерлердің қатысуымен күлкінішті оқиғалар да кездесіп жатты. Осындай сәттердің ішінде маған қатты ұнағаны, олардың Трандуилдің қамауынан қашқан кезіндегі сәті. Есіме түссе әлі де күлкім келеді...

    Аркенстонның күзетішісі - Айдаһар Смаугты өте шынайы етіп жасапты. Оның бейнесі әлі де көз алдымда тұр.

    Сөзсіз фильм 2013 жылдың үздіктерінің қатарына кіруге әбден лайық. Барлығы да Питер Джексонның стилінде. Оқиғаға байланысты табиғат, фильмге баулап алатын атмосфера, қызықты сюжет.

    Менің бағам 9/10.