• Біздің парақшалар:
  • Муви 43

    Movie 43

Жыл:
2013
Ел:
АҚШ
Режиссер:
Стивен Брилл , Питер Фаррелли , Элизабет Бэнкс , Энтони Рамос , Бретт Рэтнер , Боб Оденкёрк
Басты рөлдерде:
Джерард Батлер , Джош Дюамель , Холли Берри , Патрик Варбертон , Мэтт Уолш , Джейсон Судейкис , Хью Джекман , Ума Турман , Джастин Лонг , Крис Пратт , Элизабет Бэнкс , Анна Фэрис , Джонни Ноксвил , Кристофер Минц-Плассе , Шонн Уильям Скотт , Эмма Стоун , Кейт Уинслет , Хлоя Грейс Морец , Кристен Белл , Наоми Уоттс , Лив Шрайбер , Ричард Гир
Продюсер:
Питер Фаррелли , Райан Кэвэна
Жанр:
Комедия
Бюджет:
$6 000 000
Әлемдік табысы:
$32 438 988
Әлемдік премьера:
11 қаңтар 2013
Қазақстандағы премьера:
1 қаңтар 2013
Жас шектеуі:
R рейтингі - 17 жасқа дейінгі тұлғалар үшін ересектердің қадағалауы міндетті
Ұзақтығы:
100 минут
Суреттеме:

Әлемге танымал 25 жұлдыздың басын қосқан, шағын новеллалардан құралған комедиялық жоба.

Рейтинг:

6,5

  • Дауыс бергендер: 4

  • Strict Standards: Only variables should be passed by reference in /var/www/vhosts/kinostan.kz/public_html/application/views/scripts/movie/view.phtml on line 253

    Strict Standards: Only variables should be passed by reference in /var/www/vhosts/kinostan.kz/public_html/application/views/scripts/movie/view.phtml on line 254
  • IMDb: 4.3(88587)
  • Кинопоиск: 4.935(108577)
Фильмді бағалау үшін сайтқа кіру немесе тіркелу керек .

РЕЦЕНЗИЯЛАР (1)

  • Әлемдік клишерлерге жасалған Троллинг

    Қызық деймін-дағы, осы фильмге барар алдында (ал мен түнгі сағат 01.30-дағы сеансқа бардым) экраннан а-ля "Париж, мен сені сүйемін" немесе "Валентин күні" секілді романтикалық комедия стиліндегі альманах көремін деген бейкүнә ойда болыппын. Алайда бірнеше режиссердің көрерменге қарсы ұйымдастырған жымысқы (жақсы мағынада) ойлары дөп тиді.

    Бұл киноны ноутбугыңыздан немесе теледидарыңыздан көрмес алдында рухани-моральдік тұрғыдан дайындалып алғаныңыз жөн: "Муви 43" жан-жүйке-жүрегіңіздің беріктік деңгейіне байланысты құсқыңызды келтіруі, жүрегіңізді айнытуы, мұрныңызды тыржитуы немесе рахаттана күлдіруі, риза қылдыруы мүмкін. Копрофилия элементтері, инцест, боғауыз сөздерге деген реакция ешқашан біртекті болған емес.

    "Муви 43" ескілі-жаңалы әлемдік арзанқол сюжеттер мен эффектілерге негізделген фильмдерді мазақтайтын туынды деп санаймын. Ғаламдық масштабтағы апаттан бастап, кейбір "легеннен бас көтертпейтін" комедиялардың элементтеріне жасалған стёбты кеңінен кездестіре аласыз.

    Жеке өзіме фильм ұнады. Танымал актерлардың (Хью Джекман, Кейт Уинслет, т.б.) осындай амплуада өздерін көрсетуі оларға деген құрмет пен рысбекті (екеуі бір емес пе осы?) еселей түсті. Хью Джекман демекші сіз трейлерде Кейт Уинслеттің неге біртүрлі болып отырғанын тек фильмнен көре аласыз:)

    Фильмнің әзілдері анайлықтың ар жақ, бер жағында болғанына қарамастан ұтымды шыққан, қышуы қанбаған жараңның аузын тырнап-тырнап жіберіп, тыр-тыр қасиды.

    Ескерту: егер сіз артық-ауыз жабайылықты ұнатпайтын, лас әрекеттерді көре алмайтын, бірнеше астар беретін, беті дөрекі, боғауыз, ар жағы әлдебір дүниеге ым тастайтын кадрлардан көзіңізді сақтайтын адам болсаңыз "Муви 43-ке" бармаңыз. Тіпті, зорлап апарып, алдыңызға қосып берсе де көрмеңіз, көзіңізді жұмып алыңыз. Әйтпесе, бар жиған-терген жаныңыздың асылын фильм шайқап кетуі мүмкін.