• Біздің парақшалар:

Ә. Ержановтың "Үкілі кәмшаты" Тулузада жас сыншылар сыйлығын алды

"Үкілі кәмшат" фильмінен кадр

Қазақстандық режиссер Әділхан Ержановтың "Үкілі кәмшат" ("Хозяева", "The Owners") фильмі Тулузада (Франция) FIFIGROT халықаралық кинофестивалінде жас сыншылардың сыйлығын жеңіп алды, - деп хабарлайды Tengrinews.kz тілшісі.

Кинофестивальдің басты жүлдесін Дамиан Шифронның (Аргентина - Франция) "Жабайы хикаялар" лентасы жеңіп алды, көрермендер жүлдесі француз режиссері Филипп Барасстың "Жағымсыздар" драмасына бұйырды.

Айта кетейік, "Үкілі кәмшаттың" әлемдік премьерасы 67-ші Канн кинофестивалінде өтіп, оның қорытындысы бойынша картина сыншылардың жоғары бағасына ие болған еді. Сонымен бірге, лента Канада, Словакия, Нидерланд елдеріндегі кинофестивальдерге қатысты, қазіргі уақытта фильм "Киношок-2014" кинофестивалінде бас жүлдеден үмітті.

"Үкілі кәмшат" фильмі елдегі жемқорлықтың салдарынан баспанасынан айырылған ағалы-інілі және апалы-сіңлілі адамдардың хикаясы туралы. Жергілікті тұрғын учаскелік полицей болып жұмыс істейтін туысының көмегімен кейіпкерлерді пәтерінен шығарады. Жастар арқа сүйейтін жақыны жоқ болғанымен баспанасынан жайдан-жай айырылып қалғысы келмейді. Картинаның жанры - шынайы өмірге арналған карикатура элементтері бар абсурд драма. Кино Алматы облысында түсірілді, басты рольдерде Т. Жүргенов атындағы ұлттық өнер академиясының түлектері ойнады.

 

Дереккөз: Tengrinews.kz

"Үкілі кәмшат" ("Хозяева", "The Owners") фильмінің трейлері:

Пікірлер