• Біздің парақшалар:
  • pецензиялар (барлығы: 360)

  • Айкона

    Барлық рецензиялар: 109

    Кинода ұнаған нәрсе Азамат пен Тәуекелдің тандемі. Екеуі рөлге жақсы таңдалынып алған. Тәуекелдің актерлығына көз қарасымды өзгерткен осы фильм болған шығар. Тәуекелдің барынша шынайы, қысылмай, рахаттана ойнағанын көруге болады. Осы фильмнен кейін Тәуекелдің өзінің актерлығына деген көз-қарасы өзгергенін байқадым.

    Киноның сценарий тартымды, күтпеген сәттерге толы. Киноның шет елде түсірген сәттері әдемі шыққан. Кино ұнады.

     

  • Айкона

    Барлық рецензиялар: 109

    Бүгіннен бастап "Қараман" киносы көрсетіле бастайды. Фильм жанры маған жақын емес, дегенмен кино ұнады. Киноның айтар ойы жинақы, түсінікті. Егер кино көріп отырып жүйке жүйеңізді қинап, қорқып отырғанды қаласаңыз жолыңыз ашық.

    Кинода маған ұнаған нәрселер:

    1. Мораль. Киноның ақша деп құнығып кеткен адамдарға айтар өз ойы бар. "Адамдығыңды ешқашан ұмытпа!" дегенді жақсы түсіндіре алған. 2. Табиғат. Қазақстанның табиғатын күшті берген. Үлкен планда көрген әдемі әсер етеді. 3.Музыка. Роман Ким мен Мурат Бекмуратовтың әні қатты ұнады. Ән киноның мағынасын аша түскен. #Қараман #Караман #ДастенШакиров #РоманКим #МуратБекмуратов
  • Айкона

    Барлық рецензиялар: 109

    Кім не айтса да, фильм өте жақсы шыққан. Біздің кино түсірушілердің болмайтын комедиядан салмақты, тарихи кинолар түсіре бастағанына өте қуаныштымын. Себебі, кітап оқығысы келмейтін қазіргі жастарға кино арқылы ақпарат жеткізу ең дұрыс әдіс.

    Сонымен, кино неге жақсы шыққан:

    1. Киноның әсері. Нақты тарихта оқиғаның қалай болғанын білмеймін. Википедияда да тек біз тарихтан оқыған шектеулі ақпарат бар. Дегенмен, мемлекет тапсырмасымен түсірілген фильм болғандықтан фильмде нақты тарихи жағдай орын алған деп сенем.

    Тарихтан оқыған кезде "әйтеуір бір қазақ Парижге барып ән айтқан" деген ой қалыптасатынын анық. Ал киноны көріп отырып сол ауылдың бір қазағының Парижге қалай барып, нені көріп, неге қол жеткізіп, қандай қиындықты басынан өткергенін бірге сезінесің. Сезініп қалмай, бұл тарихи сәт сенің жадыңда сақталып қалады. Тарих сабағында тез айта салатын мазмұн емес, оның сол кездегі не сезінгенің сезінуге мүмкіндік бар. Әміренің алғаш Парижге барғандағы таңданысын меніңше Санжар өте жақсы берген. Себебі, мен ол күйді түсіндім. Париж емес, Алматыға келген ауылдың баласында сондай қорқақтық, таңқалушылық болады, бір сөзбен айтқанда потеря болады. Осы сәтте Санжардың актерлық шеберлігіне риза болдым. Сол күйді жақсы бере алды. Тарихи киноларда біз білмеген тарихи жағдайдың қалай болғанына бір қадам болсын көзің жете бастайды.

    Кино атмосферасы мені сол 1925 жылға апарып тастады. Актерлардың киімі, сол кездегі мәдениет, көңілді кештер, әндер, билер, тіпті ішілген шампан сол кезеңнің әсерін жақсы берді. Бұл жағынан кино түсірушілер әр детальға үлкен мән бергенін көрініп тұр және кадрлар өте жақсы таңдалынып алынған.

    Санжар Мәдиевтың актерлығы кәдімгідей күшті болып келеді, Қазақстанда ғана емес әлемде танымал актер болса екен деген тілегім бар. Соңғы қараған "Золотая Орда" мен "Әміре" фильмдеріндегі орындаушылығы тіпті керемет. Екі фильмде екі түрлі образды күшті көрсете алды. Кеше кинодан шыққасын "Әміренің орынына тым әдемі, әрі тым жас көрінеді" деген пікірлер естідім. Меніңше олай емес. Себебі Әміренің 1925 жылы қандай көрнекті жігіт болғанын біз білмейміз, мүмкін ол сол заманның өзіндік секс-символы болған шығар. Сондықтан да Санжар роль үшін тым сымбатты емес. Тым жас дегенін білмеймін, себебі Әміре Қашаубаев 37 жасында Парижге барған кезде шал болып тұрған жоқ, суреттерінде ол тым сымбатты әрі жас болғаны көрініп тұр. Әрі Санжар да жас емес, 30 дан асқан жігіт болғандықтан дұрыс таңдалған.

    Еркебұлан Дайыров. Кинода басты рөлді сомдамаса да, Мұстафа Шоқайдың рөлін күшті берген. Ол кісінің қазақшылығын, қарапайымдылығын, елшілдігін, ойын жақсы бере алды.

    Эбби Корниш, әдемі актриса. Нағыз 1925 жылы өмір сүріп жүрген қыздар сияқты. Шаш үлгісі, киім киюі, қозғалысы әдемі. Әміренің жүрегін жаулаған бұл қыз шынайы тарихта болды ма білмеймін, бірақ мына қыз менің жүрегімді жаулады. Фильмде Әміренің өмірінде үлкен орын алғанын байқадым. Бұл мен үшін тарих пәнінен оқымаған бір тың ақпарат болды. "Ол кісі қайда?", "Әміре екеуі кейін қайта кездесе алды ма?" деген сұрақтар пайда болды.

    Тарихта болған маңызды сәттерді білу үшін, киноны әр қазақ көруге тиіс деп ойлаймын.

  • Айкона

    Барлық рецензиялар: 109

    Кейінгі уақытта Оскар алған, оған ұсынылған киноларға көңілім толмайды. Мүмкін мен басқаша ойлайтын шығармын, бірақ биылғы ұсынылған біраз фильм дым ұнамады. Олар тым қарапайым немесе адамдық эмоцияға құрылған болса да адамды тартпайды. Іш пыстырарлық.

    Адам мен су пішіні арасындағы махаббатқа сенбедім. Себебі сезімнен гөрі жауыздың эмоцясы жақсы байқалады. Бір рет қана қарап шығатын туынды мен үшін.

  • Айкона

    Барлық рецензиялар: 109

    Өзім қалай 8 қойғаныма таңмын. Дегенмен, кино соған тұрарлық. Неге?

    1. Фильм біркадрлы форматта түсірілген. Біздің Қазақстанда бұл форматта түсірілген алғашқы туынды. Киноға бара жатқан кезде біркадрлы фильм ішпыстырарлық болатын шығар деп ойлағам. Ол ойымның қате болғанын кино басталған сәттен байқадым. Бір кадрдың өзінде фон жақсы таңдалған. Киноның түсірілуі уақыты бар жоғы 9 күнге ғана созылған. Біркадрлы болса да киноның айтар ойы нақты әрі жинақы.

    2. Мейірхан Шерниязов, Медет Аманбаев, Мейржан Түребаев тандемы жақсы таңдалған. Үш жігіттің образы арқылы нағыз қазақ балаларының бейнесін бере алған. Бірі әкімдікте, бірі базар баласы, үшіншісі өз көлеңкесінен қорқатын жігіт образы жақсы ашылған. Мейірхан Шерниязовтың актер, әрі режиссер, әрі сценарист, продюссер екенін білмеппін. Түріне қарасаң қарапайым ауылдың жігіті сияқты.

    3. Әзілдер. Фиьмнің әзілдері ұнады, барынша тізесі шықпаған әзілдерді үйлестіріп қолданған. Ержанды водитель ретінде түсінем. Жұмыстың көлігін бұлғамақ түгілі өз көлігіңді бұлғағандарға жының келеді. Ал ол сондай сабырлы. Негізі әзілдерін көру керек.

    4. Сценарий. Өмірде олай болуы мүмкін емес деген күннің өзінде өмірде бәрі мүмкін. Енді бандиттердің атысы артық шығар, бірақ қиын түйіннің шешілімі сонымен жақсы шешілген. Сценраийде барынша шынайы жағдайлар орын алған. Ұнады.

  • Айкона

    Барлық рецензиялар: 109

    Көруге тұрарлық фильм. Бізде енді дамып келе жатқан жанр болғандықтан мені қызықтырды. Нұрланның режиссер ретіндегі тырнақ алды туындысы болғанымен киноны қалай беру керек екенін, қай жерде қалай әсер етуге болатынын жақсы білген.

    Актерлар құрамы да сәтті таңдалынып алынған. Жанель Мақажанова мен Дина Тасболатованың актрелығы ұнап қалды. Жанель өз ролі үшін біраз жұмыс істегені көрініп тұр, есін жоғалтқан адамның образына сендіре алады.

  • Айкона

    Барлық рецензиялар: 109

    Мен күткендей әсер болмады. Қазақстандық өнім деп мамамды мақтап апарған кезде көңілімнен шықпай қалғаны өкінішті. Сонан кейін наркотик, секс, арақ тақырыбы қашаннан бері бізде ашық жарнамалана бастаған? Алдыңғы кинодағы әсерлерімді сумен шайып тастағандай әсерде болдым.

  • Айкона

    Барлық рецензиялар: 109

    Шыны керек Оскарға ұсынылғанына таңмын. 2 сағаттан астам уақытымды осы киноға қиғаныма аздап өкіндім. Кино тым ішпыстырарлық сияқты мен үшін. Бір адамның өмірін көрсететін кинолар ұнайды, бірақ кутюрьенің ерекше бір жұмысын, оның сән әлеміне әкелген бір жаңалығы туралы ештеме жоқ. Бар ерекшелігі сол патша отбасына көйлек тіккені. Көрген фильмімнің ішінен Дэниэл Дэй-Льюистың актерлығын ғана жоғары бағаладым. Дегенмен бірнеше рет Оскар алып тастаған актер ғой. Расымен, екінші рет қайта қарауға бармас едім.

     

  • Айкона

    Барлық рецензиялар: 109

    Менің қатты күткен фильмім болса да прокатқа шыққанан кейін 10 күннен кейін бірақ көрдім. Осы уақытқа шейін бірде-бір рецензия оқымай қойдым. Киноның әсерін көрмей жатып құртып алмайын деген ой келді.

    Кино қатты ұнады маған. Данияр сияқты жарықтың түсірілуі деген нәрселерді байқай алмадым. Себебі оған менің киноға берілгенім сонша мүмкіндігім болмады. 2 сағат 17 минуттың қалай өткенін байқамай қалдым.

    Киноның сюжеті, музыкасы, актерлар ойыны, киімдері қатты ұнады. Әсіресе әскер қыздардың образды күшті шыққан. Киімдері, шаш үлгісі, қимыл қозғалыстары, әшекейлері де, төбелесу стильдері де ұнады. Данай Джекесай Гурира қатты ұнады. Фильм бойы әр кезде эмоциясын күшті береді. Әскер басы бола тұра күйеуіне "Любимый" деп майысқан кездерінің өзін қалай күшті берген.

    Майкл Б. Джордан расымен өз рөлін мықты алып шыққан. Бар ынтасымен ойнағаны көрініп тұр. Кинода осы баланың қалай өсіп-жетілгені туралы қысқаша сөзбен айтқанша көрсетсе күшті болар ма еді?.. Мысалы ол Ваканда тарихы жайлы өте көп біледі. Сол жағы ашылмай қалған. Сонан кейін музейден маска ұрлап алған кезде бір үлкен бір оқиға болатындай мән береді, бірақ масканың мағынасын ашпағаны ұнамады.

    Чедвик Боузман ұнайды, алдыңғы Мстительде пайда болған кездегі дауыс ырғағы мен өз бейнесімен қызықтырған. Қызығушылығым тарқамады. Мүмкін көбіміз күткендей самдағай болмаған шығар, деген өз рөлін жақсы алып шыққан. Көп уайымы мен қайғысы болмаған хан баласы образын сақтап қалған. Дегенмен кинода Т'Чалланың ойы, уайымы мен көз-қарасын көрсетуге көп уақыт бөлген.

    Фильм қарауға тұрарлық. Мен марвелді тым қатты жақсы көрем :)

  • Ернар Бекенов

    Барлық рецензиялар: 106

    Испан режиссері Серхио Х. Санчестің Американың және Ұлыбританияның талантты жас актерлерінің қатысуыммен түсірген хорроры.

    Бұл жерде хоррор - жұмыртқаның қабыршағы секілді сыртқы қабат қана. Бұл фильм драма, трагедия, психологиялық триллер жанрларынан құралған тамаша туынды.

    Трейлерін көргенде-ақ бұның өткінші картиналардың бірі емес екенін түсіндім. Фильмнің соңғы жағы өзге психологиялық триллерлер секілді банал болғаны рас. Бірақ клишелерден тұрмайтын картинаны атап берші?

    Финалға дейін-ақ тыпыршытып, әбден дегбіріңді кетіреді. Атмосферасы соншалықты шиеленіскен. Бұл жерде бірінші планға актерлердің ойыны шығады. Жас та болса актерлік құрам таМММаша: Джордж МакКэй ("Капитан Фантастик"), Аня Тейлор-Джой ("Сплит"),
    Миа Гот ("Лекарство от здоровья"), Чарли Хитон ("Очень странные дела").

    Атмосфералы, психологиялық драманы, мистиканы ұнатсаң - көру қажет.

  • Данияр Тажимбет

    Барлық рецензиялар: 3

    Жыл басынан бері күтіп жүрген алғашқы фильм. Ойдағыдай шықты десем болады. Көптеген критиктер фильмді "Первый Мститель: Другая война" секілді темптегі фильм деп атап өткен болатын. Менің бұл екі фильм арасында тек саяси, туыстық/достық тақырыптары ғана ұқсас деп ойлаймын. Экшні мен сюжет өрбуі басқаша.

    Фильм режиссері Райан Куглер өз жұмысын жоспарлы орындап шықты. Бұған дейінгі жұмыстарын ескерсек, жаңа фильм оның тәжірибесінің ұлғайғанын көрсетеді. Ағайынды Руссолар сияқты сюжетті түрлендіре алмағанымен, экс-режиссер Джосс Уидон секілді кейіпкерлермен жұмысы сәтті шықты. Актер Энди Серкистің кейіпкерін елемегенде қалған кейіпкерлердің образын түгелдей ашты.

    Людвиг Йоранссонның композиторлық жұмысы нашар болды. Тек бір музыкалық теманы бүкіл кино бойы ойнатып шықты. Оның қасында фильмге саундтрек жазуды өз мойынына алған рэпер Кендрик Ламардың еңбегі өте зор. Оның әр музыкасы фильм атмосферасына керемет сіңісіп тұрды. Саундтрек ішінен "All The Stars", "Pray For Me" және "Opps" композициялары ұнады.

    Спецэффектілермен бір уақытта бірнеше тәуелсіз студиялар айналысқанымен, фильмнің VFX супервайзерлері жұмыстарын толық атқармағандары көзге ұрып тұр. Бірнеше сценаларын хромокей қатты байқалады. Сонымен қатар жарықтары жөнді түспеген тұстары бар. Мысалға таққа отыру үшін үміткерлер арасындағы шайқас рәсімі кезінде байқалады.

    Чедвик Боузманның актерлік ойыны сол баяғы. Даму көрінбейді. Ал қалған актерлердің жұмысына көңілім толды. Әсіресе Майкл Б. Джорданның рөлге кіріп, Алтын Ягуарды беріліп сомдағаны байқалып тұр. Әзілдің басым бөлігі Т’Чалланың қарындасы Шуриге тиесілі. Оны өз кезегінде Тони Старктың баламасы, тіптен одан да асқан интеллектуал деп атайды.

    Жалпылай фильм Африка халықтарының проблемасын қозғайды: отарлау, экспансия, құл саудасы және т.б. Бір жағынан сюжетімен Уаканда елінің КВМ бастауы екенін түсіндіреді. Тіптен Қара Пантераны DC кейіпкері Бэтменмен салыстыруға болады.

    Фильм прокатта қаржыға қарық болатыны айдан анық. Недегенмен кинокомикс, блокбастер ғой. Қорыта келгенде 8/10 деген баға қоямын. Көруге тұрарлық.

  • Ернар Бекенов

    Барлық рецензиялар: 106

    Әлеуметтік мәселелер, адами қарым-қатынас, ана махаббаты тақырыптары үйлесім тапқан тамаша кино. Бұны авторлық киноға да, бұқаралық киноға да жатқызуға болады. Басты кейіпкерлері керемет ойластырылған, ал соны актерлер жақсы түсініп, тамаша алып шыққан.

    Кино жаңалықтарына құлағы түрік жандардың барлығы көру қажет туынды.

  • Ернар Бекенов

    Барлық рецензиялар: 106

    • Ninety one
    • 2017
    • Рейтинг: 6,4
    • Дауыс саны: 5

    Өздерінің айтуы бойынша, сюжеттің 90 пайызы рас. Тіпті елу пайызы рас болғанның өзінде қазақстандық топтың және продюсерінің басынан кешкен қиындықтары үшін, соған төзгені үшін орныңнан тұрып қол соғуға болады. Өйткені Қазақстанда ешбір топ, ешбір әнші олардың көргенін көрген жоқ. Олар ұрынған қарсылыққа ұрынған жоқ, олардың ситуациясына түсіп көрген жоқ.

    Асқар Ұзабаев режиссерлік еткен көркем фильм солардың басынан кешкен оқиғаларын бәрін болмаса да, шет-жағасын жеткізгендей болады. Танымал тұлғалардың өміріне арналған голливудтық кинотуындыларды көріп жүрміз ғой. Мен де сондай стилде кино күтіп едім. Бірақ "91" ондай емес. Аздап атүсті, үстімен шолып өткендей болады. Мысалы осы музыкалық топ туралы білмейтіндер оқиғаға қанықпай қалуы әбден мүмкін.

    Екінші жағынан персонаждардың ашылуы да бәсеңдеу болды ма деймін. Рэперлер AZ мен ZAQ-қа көбірек көңіл бөлінгендей болды, қалғандары тасада қалған сияқты. Сосын ауыз су өндіретін бір отандық брендтің жарнамасы көп, әрине, коммерциялық кинода продакт-плейсментті ешкім алып тастаған жоқ, сонда да орынды-орынсыз көрсете бермесе де болар еді.

    Ал жалпы алғанда, қойылуы ұнады. Шарықтау шегін дәл басында көрсетіп алып, сосын сол шекке қалай жеткенін асықпай баяндау сәтті режиссерлік шешім деп ойлаймын. Алғашқа синглдың пайда болу тарихы да жақсы берілген. Топ мүшелерінің күйзелістері, ерекше бірдеңе жасауға талпыныстары түсінікті жеткізілген.

    Фильм де сол топ сияқты бірегей жоба деп білемін. Өйткені музыкалық топ туралы елімізде кино түсіріліп көрген емес. 91 тобының фанаты болмасаң да, жаңа кино өнімі ретінде қарауға әбден лайық. Жай байопик кино болып қоймай, қоғамымыздағы қараңғылық, кертартпалық белгілері көрсетіледі, солардың проблемасы көтеріледі.

    Өз жанрының алғашқы қарлығашы екенін ескеріп 7/10 деген бағаға лайық деп ойлаймын.