• Біздің парақшалар:
  • pецензиялар (барлығы: 404)

  • Айкона

    Барлық рецензиялар: 131

    Өмір сүруге құлшындырады, өмір мен өнердің құдыретін сезінесің.

    Гей болғаны үшін көп шектеу қойылғанымен оның да адам екен, оның талантының ерекше екенін еріксіз сезінесің. Өлеңдерінің әлі де сұраныста екені оның өшпейтін аты қалғанын білдіреді. Өнердің ешқандай шексіз болатынын көресің.

  • Meihua

    Барлық рецензиялар: 5

    Жалпы дұрыс құндылықтарды насихаттайтын мульт. Әсерлі, әдемі. Бірақ диалогтары тым көп және балаларға ауырлау деп таптым.

    Дисней бола тұра, әндер айтпады - көңілім қалды содан да )

  • Meihua

    Барлық рецензиялар: 5

    Саяси тақырыптағы туындыларды жақсы көрем. Фильм көңілден шықты.

  • Акнур Аширбаева

    Барлық рецензиялар: 1

    Ужас жанры бізде енді ғана басталып келе жатқандықтан қателіктер көптеп кездесетіні күмәнсіз. Жалпы, өзім осы жанрдағы фильмдерді сүйіп тамашалайтын көрермендердің бірімін.  Фильм аздап көңілімнен шықпады. Үрей туғызу жағы логикаға сай жасалғанымен, компьютерлік графика бәрін жоққа шығарып жібергендей. Актерлар ойынынан шынайы қорқыныш сезімін көре алмадым. Бірақ ең бастысы басы, ортасы және соңы бар фильм. Ужас жанрында фильмдер жоқтың қасы болғандықтан, режиссердің бұл жанрға батыл қадам жасап, фильм түсіруінің өзі қуантарлық жайт.

  • Айкона

    Барлық рецензиялар: 131

    «Соңғы Шыршалар» алдыңғы  бөлімдерімен салыстырғанда әсерлі, жақсылық пен таңқаларлық жайттарға толы. Себебі, сегіз жылдан бері өзімізбен таныс, туыс болып қалған кейіпкерлер көрермендерімен қоштасады. Жаңа жыл отбасылық мереке болғандықтан фильм сізге барынша отбасылық махаббатты, жылылықты, қамқорлықты сезінуге көмектеседі. Жаңа жылдық демалыс кезінде отбасыңызбен барып фильмді тамашалап, көңіл – күйіңізді көтеріп қайтсаңыз болады.

    Фильмнің идеясы әр түрлі адамдардың өмірінен хабар беру. Әр адамның өмірінің, сезімінің, отбасының маңыздылығын анық көрсетіп, солармен бірге қарапайым адамдардың бақытын сезінуге болады. Актерлардың шынайы ойыны, сізді сол қарапайым адамдардың қатарынан екеніңізді ұмыттырып жібереді.

    Фильмнің басты тақырыбы мейірімділік болғандықтан да, бізге мейірімді болу жолында, өз туыстарымыз бен ғашықтарымызға керемет көңіл күй сыйлауда, отбасының алдындағы міндетіңді дұрыс атқаруға, махаббатымызды аямауға шақырады. Кейбір сәттерде мейірімділіктен көзіңе жас келеді, фильмнен шыққан сәтте туысыңа хабарласып, сүйіктіңе смс хабарлама жазғың кеп кетеді. Әсерлі, әдемі, күлкілі.

  • Айкона

    Барлық рецензиялар: 131

    #Отвергнутые фильмін қарап отырмын. Айғаным орнында болсам қайтер едім, менің отбасым осындай жағдайға қалай реагировать етеді деген ой мазалады. Білмейм, бауырым мен әкем, анам мұндай қатыгездікке бармайтын шығар. Дегенмен, мына отбасын түсіну қиын болды маған. Бірақ, мұндай отбасы бар екенін білем, көргем. Все таки қазақтар отбасына жабысып қалған. Әр отбасынның пікірімен санаспайды, қыздардың пікірі тым жоқ. Айғанымның балам туыстарымен аралассын деген шығар, дегенмен ондай жолмен туыстарды қайтарудың қажеті шамалы екенін түсінбеген сияқты. Кинода бір нәрсе анық, ол қоғамның ойының тарлығы, ескі көз-қарас пен топастық. Әрі қоғамның жемқорлық пен туысқандықтың арқасында батпаққа батып қалғанын анық көрсеткен.

    Кинода келіспейтін тұстар өте көп.

    1.Қазақи ауыл болғасын, қызды ұрып жатқанда оның көршілері қайда, бірде бір қазақ ауылында елдің ісіне араласпайтын көрші жоқ. Тегі Қайратқа мұның не дейтін бір ауылдың ақсақалының, үлкен кісінің болмағаны ма? Режиссердің қалада өскендігі осы сәтте әсер еткен сияқты. Олар айдалада тұрса, түсінуге болатын еді, дегенмен олар ауыл ортасында тұрады ғой.

    2. "Бұл өлкені жек көрем" деген диалог бар. Кино Райымбек ауданында түсірілген, менің туған жерім болғандықтан да, дәл осы диалогтың сол жерде орын алғанын түсінбедім. Сонда Петровалск да осындай жағдай орын алса басқаша қарап, оңтүстіктің халқының түсінігінің жоқтығы ма? Дәл мұндай қатыгездік барлық жерде бар, бірақ почему то жеккөрініш бір жерге ғана бағытталған.

    3. Айналып келгенде бар қиындық балаға қалды. Шешесін сыйдырмаған отбасында оған махаббат қайдан болсын. Дәл Қайрат сияқты түсінікпен ойлайтын Тимур өсіп келе жатыр. Былай қарасаң Айғанымның топастығы. өз проблемалары көп туыстарына тағы бір проблема болып жабысуы, ақыры аяғында мағынасыз өлім. Баласына сонда не беріп кетті, қайда тастап кетті?

    4. Қайраттың өшпенділігін де түсіндіре алмаған. Түсінгенім ол отбасының бар қиындығының өшін қарындасынан алғандай. Бауырын өлтіре отырып, кінәсін сезінбеуі адамдығының жоқтығы. Миым қайнап жатыр, қоғамда мұндай түсінікпен өмір сүретін отбасылары бар екенін білем, бірақ олар тезірек жойылсыншы деген тілек келеді...

  • Ернар Бекенов

    Барлық рецензиялар: 116

    "Веном" кейіпкерлері мотивациядан жұрдай, сондықтан да әрекеттері мен шешімдері қисынсыз. Антагонист әлсіз әрі экрандық уақыты тым аз. Протагонисттің де оңып тұрғаны шамалы: симбиотпен химиясы жоқ, конфликтісі сендірмейді. Сосын не ғо: Веном с хера ли жағымды кейіпкер? Фильм жауаптан көрі сұрақты көп қойғызды. Графикасына әлі бірнеше "слой" жетіспейтіндей. Веномның суреті ғана жақсырақ.

    Қысқасы 5/10.

  • Айкона

    Барлық рецензиялар: 131

    "Қазақша бизнес" қазақстандықтар қуана көретін, әрі көруге асығатын комедиялардың бірі болғаны рас. Бұл жолы да Нұрлан Қоянбаев көрерменнің көңілін қалдырмауға тырысқан. Фильм,  демалыс кезінде бүкіл отбасыңмен қарауға тұрарлық комедия. Отбасыңмен қысылмай көріп, әдемі жаңа жылдық демалыстың сәтті өткізуге себеп болады.

    Сонымен фильмнен не ұнады:

    1. Сценарий. Түсінікті, жинақы және нақты айтар ойы бар комедия. Нағыз қазақтардың аңқаулығын, жоспарсыздығын, бауырмалдығын көрсететін жақсы туынды.  Сценарий тартымды, әрі оқиғалары үйлесіп, толық қанды кино болып шыққан. Кино жалықтырмайды, күліп отырып, кейіпкерлермен бірге сол сәтті бірге кешіп жатқандай күй кешесің. Әрі африка елінің өмір сүру салты адамды қызықтырады, біздің кинода мұндай сәттер бірінші рет қолданылып тұрған болуы керек. Басқа тұрмыс-тіршілік адамды қызықтыратыны рас.
    2. Әзілдер. Әр сөздің қалай және қай жерде айтылуы керектігі нақтыланған, дұрыс әзілдер. Әрі әлеуметтік желілерде хайп болып кеткен нәрселерді сәтті қолдана алған.
    3. Музыка. Әр кинода музыкаға тоқтауға тура келеді. Себеп, музыка жақсы әрі сәтті таңдалған. Әсіресе, ресторанда африкалықтар қазақ әнін орындағанда тупо "Қызыл өрік" не "Мария-Магдалена" орындалатын шығар деп ойлағам. Бірақ "Сағындым Алматымды" айтқан кезде көзімнен қалай жас шығып кеткенін байқамадым. Әнді сағынғаным сонша, әлі тыңдап жүрмін қайта-қайта.
    4. Актерлардың ойыны. Бұл жолы да  Рамазан Амантайға риза болдым. Өз образы мен ойыны сәйкес келеді. Нұрлан Қоянбаевтың қызға бет-әлпеті келмесе де әйел болып киінген кезі әбден күлтірді. Бако деген негр баланың ойыны қызықтырды.
    5. Фильмде қазақи тәрбие, бауырмалдылық, адалдық көрініп тұр. Сондықтан да фильм адамды тартады деп ойлаймын. Филмьның түсірілім сапасы ұнады,  ашық түстер, әдемі кадрлар ешкімді бей-жай қалдырмайтыны анық.

    P.S. Перкош тағы да негр қызға ғашық болып қалады, түбінде сол қара қыз алып жүрмесе болды :). Нағыз жаңа жылдық демалыста әдемі көңіл күй сыйлап, демалатын фильм болды. Берер бағам 9/10.

  • bir adam

    Барлық рецензиялар: 1

    кинодағы ұнамды жағы əртүрлі күрделі трюктерді атердің өзі істеуі,меніңше бұл киноға əр беріп тұр.

  • Ернар Бекенов

    Барлық рецензиялар: 116

    "Под Сильвер-Лэйк" - жанрлар мен түрлі заман атрибуттары араласып кеткен қызық картина.

    Дэвид Роберт Митчеллдің "Оно" хоррорын көрген адам түсінеді. Оның картинасында белгілі бір уақыт кезеңіне байланып қалу деген жоқ. Кадрдан бір уақытта - әлі біздің заманда шықпаған футуристік бұйымдарды да, тоқсаныншы жылдардың ойын консолін де (Sega секілді), жетпісінші жылдардың музыкасын да, классикалық Голливудтың (30-40 жылдар) стилистикасын да көре аламыз.

    "Под Сильвер-Лэйк"-ке де бәрін аямай тықпалапты. Саспенс, психологиялық триллер, мелодрама, детектив, арт-хаус элементтері бар сюрреалистік қоймалжың сюжетті қарап отырып, бір кезде "блә, не боп кетті?" деп ойлап та қаласың. Ол аз десеңіз - сюжеттің өзегіне конспирология, жасырын қастандық және солардың мәнін ашуға апаратын кілт пен жұмбақ белгілерді ұсынғанда бас кейіпкермен бірге Лос-Анджелесті қалай шарлап кеткеніңді байқамай қаласың. Ал ең жаманы сол - фильм мазмұнына поп-мәдениеттің түрлі өнімдері мен сан алуан кино стилдерін аяусыз тықпалап, саған да солардың бәрін тұтынуға мәжбүрлеп, сол арқылы әр кадрдан, әр көріністен мән іздеткізіп қояды да, ақыр аяғында бұлардың ешқайсысының маңызы жоқ деп бетіңе былш еткізеді.

    Соңында басыңды қасып отырасың: бұл режиссердің осындай стебі ме, әлде шынымен режиссер көп нәрсені қамтимын деп, соңында өзі шатасып, сонша жүкті көтере алмай қалды ма?

  • Айкона

    Барлық рецензиялар: 131

    Ертегі өте әдемі, әрі әсері түсірілген. Фильмді қарап отырып жаңа жылдық сыйқырға бірге еніп кетесің. Өзіме ұнағандарына тоқтала кетсем:

    1. Чайковскидің музыкасы толықтай фильм бойы ойнатылып отыруы және ол ешқандай заманауи өңдеуден өтпей сапалы түрде берілгендігі ұнады. Фильмде ойнатылған музыканың бәрі әсерлі, әсіресе Андреа Бочеллидің баласымен айтқан әні өте жағымды естіледі.

    2. Фильмде балеттің қолданылуы өте қатты ұнады, әсіресе патшалықтың тарихын айтқан кезде балеттің құдыреті жақсы көрсетілген. Балетте отырғандай әсер аласың.

    3. Спецэффектілер өте жақсы қолданылған, ертегі әлеміне сені сендіре алады. Шыршалар, табиғат, патшалықтар жалпы бәрі сәтті суреттеліп, үйлесімді берілген.

    4. Актерлардың костюмдері өте әдемі. Жалпы киімге мән бермей кету мүмкін емес, себебі Клара киген мундирдің өзі өте әдемі, әрі қыз балаға күшті жарасады.

    5. Дубляж. Дубляжда сын жоқ, қазақ тілінде ешқандай тұрпайы сөздер естімейсің, таңдалған дауыстар сондай жағымды. Өте сапалы, бәрі түсінікті.

    Фильмнен жаңалық іздеп барудың қажеті жоқ, бұрыннан өзіміз білетін ертегінің жаңа нұсқасы деп қарау керек. Фильм көбіне Клара туралы болып Шақылдақтың екінші планға ысырылып қалуы біраз ойландырады, бір жағы фильмнің жалғасы болатын сияқты ой қалыптастырады.

    Жаңа жылдық ертегіні сезінгіңіз келсе, фильмді көріп шығуға кеңес беремін. Қазақ тіліндегі нұсқасына балаңызбен барсаңыз тіпті керемет болмақ.

  • Айкона

    Барлық рецензиялар: 131

    Әлемдік "Рождественский ангел", ресейлік "Мой парень - ангел" тура осындай мотивпен жазылып, тура осылай аяқталатынын есептемегенде фильмнің жақсы екеніне күмән жоқ. Енді фильмді толықтай көшіріп алды деуге келмес, дегенмен идея тура осы фильмдердегідей. Біздің көрерменге ыңғайлап, біздің өмірге ықшамдап жасағаны ұнады.

    Фильм - көңілді, әрі қазіргі кездегі біздің қоғамда орын алған инстаграм ауруын жақсы көрсеткен. Әрі танымал жұлдыздардың көбі өмірдегі өз рөлдерін сомдауын жақсы қолданған. Фильмның актерлық құрамы толықтай жұлдыздардан құралған. Танымал емес адам кездестіру мүмкін емес.

    Маған не ұнады:

    Бауыржан Сатов. Оның образы ұнады, бірақ оның қыз не транссвестит екенін ажырата алмадым. Дегенмен, Бауыржанның өзгеруі ұнады. Әсіресе көйлекпен, каблукпен талтаңдап жүрген сәті күлдірді. Қимыл-қозғалысы қызық көрінді. Өмірде тым салмақты жігіттен мындай өзгеру күтпеген сияқтымын.

    Индира Еділбаева. Жап-жақсы актриса екеніне сендіре алды. Образдарын өзгерткен кезде, макияждың құдыретін анық байқауға болады. Дегенмен, өте әдемі қыз. Нәзік, әрі аңқау қыздың образы жақсы шыққан.

    Жұлдыздарды қолдану сәттері. Аиша мен Беркуттың өмірінің кейбір сәттері сияқты кездерді әдемі қолданған. Саят Исембаевтың Рекетир образы сәтті қолданған, Айдай Исаеваның әдемі романтикасын көрсете білген. Жалпы осындай моменттерді әдемі бере білген.

    Кенталдың образы ұнады дей алмаймын, алдында "Замуж в 30 лет" фильміндегі образы қайталанған. Тура сондай адам, тура сол образ. Өз ролі үшін ерекше ештеме ұсына алмаған.

    Айым Сеитметова сол вайнер образынан шыға алмай қалған сияқты, дегенмен оның актерлық қабілеті өте жақсы екенін білем. Бірақ, өз ролін бұл жолы толық аша алмады.

    Қысқаша айтқанда фильмде қыздарға таңдалған киімдер мен киіну стильдері ұнады. Әдемі, әрі замануи көрінеді. Стилисттің жақсы жұмысын бірден көруге болады. Әр образ ойланған, әрі бәрі келістірілген.

    Беркуттың киноны қалай түсіру керек, қалай тартымды етуге болады және оны жарнамалау туралы ойы өзгергені анық. Фильмді қиналмай екінші рет көруге болады.

     

  • Ернар Бекенов

    Барлық рецензиялар: 116

    Жанна Исабаеваның кейіпкерлері қашан да қарама-қайшылықтарға толы. "Қаройдағы" Азатты алыңыз, "Нағимадағы" Нағиманы алыңыз - екі түрлі пікір қалыптастыратын адамдар.

    Осы жолы да негізгі кейіпкерлерді екі қырынан көреміз. Бірде жек көріп, лағынет айтып отырсаң, екінші көрініс кезінде жаның ашып, жағдайына түсіністік танытқың келеді.

    Режиссер жұмыстарында кадрдағы кейбір сәттер сендіре алмайтыны рас. Біртүрлі шолақ кесіп тастағандай, айтылуы тиіс ой дөрекі түрде берілгендей болады. Бірақ фильм соңында бәрін қорыта келе, сондай келеңсіз тұстарына кешіріммен қарайсың. Өйткені айтылатын ойдың шыншылдығы сонша, дәл сенің жаныңда болған оқиғадай қалып қояды.

    Ж. Исабаеваны әлеуметтік проблемаларды көтеретін автор деп білеміз. Оның көтеретін мәселелері біздің қоғамның рагына айналған ескі түсініктер мен соның салдары жайында. Ал кейіпкерлер - қоғамның жәбір көруші тап өкілдері. Осы жолғы тематикасы түрлі себептерге байланысты баласын күйеусіз өсіруге мәжбүр болатын әйелдердің ауыр тағдыры екен.

    Ондай адамдарға біздің қоғамда "сайқал" деп, баласына "тексіз" деп қарау түсінігі әлі де бар. Режиссер осы ситуацияны туған-туыстар тұрғысынан беріп көреді.

    Дегенмен Ж. Исабаеваның фильмдерінде әйелдер ерекше рөлге ие. Олар мықты, қайсар, шешуші мәнге ие тұлғалар. "Отвергнутые" (қазақша мағынасы - "шеттетілгендер", "аластатылғандар") фильмінің де басты тұлғалары - әйелдер, солар қабылдаған шешім мен соның салдары туралы.

    Атмосферасы түнерген, оқиғасы қатыгез бұл фильм ешкімді бей-жай қалдырмасы анық.