• Біздің парақшалар:
  • pецензиялар (барлығы: 413)

  • Ернар Бекенов

    Барлық рецензиялар: 119

    Кейіпкерлер жеткізе ойластырылмаған, оқиғалардың арасында байланыс жоқ, бәрі сондай үйлесімсіз формада беріледі. Сценарийдің нашарлығы сонша, тіпті актерлердің өздері экран алдында ыңғайсызданып тұрғандай әсер береді.

    Нұрлан Сабыровтың қатысуы көп нәрседен үмі күттіріп еді. Бірақ Нұрлан сахнадағы стендапер образынан арыла алмапты. Сол өзінің стиліндегі қағытпалар мен әзілдер. Концерт беріп жатқанда камераға кездейсоқ түсіп қалғандай әсер береді.

    Оқиғада бойжеткен мен оның бес ағасы көрсетіледі. Бірақ араларында дым байланыс жоқ, қысқасы, туыс екендеріне сендіре алмады.

    Киноның өндірісі атүсті, "осылай да пойдет қо" деп жасалғандай. Іліп алары жоқ бос фильм, қысқасы.

    4/10

     

  • Айкона

    Барлық рецензиялар: 137

    • 16 қыз
    • 2016
    • Рейтинг: 6,429
    • Дауыс саны: 7

    Кино сюжеті, түсірілімі күшті. Бірақ, екінші бөліміне Аша Матай түспей-ақ қойса екен деген үлкен тілегім бар. Кинода Ашаның күлкісі бәрін құртады.

  • Айкона

    Барлық рецензиялар: 137

    Сюжеті мен әзілдері сәйкес келген жақсы комедия. Екінші бөлімін көруге асықпын.

  • Ернар Бекенов

    Барлық рецензиялар: 119

    Кадр сыртындағы дауыс: "Мойындашы, ең болмаса бір рет қазіргі өміріңді түбегейлі өзгертіп, бәрін талақ қылғың келді ғой?" деген кезде шынымен дәл маған айтылғандай қабылдадым. Меніңше, бәріміз де сол туралы ойланып көрдік. Қазір сүріп жатқан өмірім - шынымен менікі болмаса ше, жай үйреншікті қалып болып кеткен соң көнбістікпен бой үйретіп алсақ ше?

    Брайан Крэнстон кейіпкері өміріңді бір саралап алуға, өзіңді альтернатив ортада елестетіп көруге бір себеп болды.

    Сюжет былай: ештеңеден күдігі жоқ отағасы әдеттегіше үйіне қайтып келе жатады. Кенет үйінің маңындағы қоқыста жанат жүреді. Артынан қуам деп жүріп гараждың шатырына тап болады. Шатырда үлкен терезе бар. Терезеге жай көз тастай салып еді: О, тоба! Үйінің асбөлмесі алақандағыдай көрінеді екен. Әйелі уайымдап бұған телефон шалып жатыр, екі қызы үстел басында отыр. Отағасына кенеттен мынадай ой келеді: қызық, үйге бармай қалсам не болар екен? Оның үстіне соңғы уақытта әйелімен ұрысып қала беретіні еске түсіп кетеді. Оны уайымдатып, одан аздап өшін де алмақшы. Сөйтіп, гаражда түнеп шығады. Енді ертесіне барайын десе - көңілдесінен келді ойлап қала ма деп әйелінен қуыстанады. Себептен себеп шығып ақырында осы гараж шатырында қалып қояды. Күн сайын үй-ішін бақылайды, өткен өмірін саралайды, онсыз оның отбасы қалай өмір сүретініне куә болады.

    Фильм кейіпкердің өткенін еске түсіріп, флешбектермен, қазір үйге кіріп барсам деп оқталған кездегі болуы мүмкін түрлі варианттармен араласқан. Қызық. Әлгі отағасының орнына өзіңді де қойып көреді екенсің еріксіз.

    Отбасы құндылықтары, жарыңа деген махаббат сыналатын әдемі оқиға.

  • Ернар Бекенов

    Барлық рецензиялар: 119

    Мойындайыншы, бірінші фильмді ("Маймылдар ғаламшарының көтерілісі", 2011) көрген кезде қабылдай алмап едім. Ол кезде картинаның подтекстін анық түсінбеппін. Басты маймылдың Цезарь деп аталудағы аллегориясы да басыма кіріп-шықпапты. Енді ресми түрде мәлімдеймін: бұл, әкең, соңғы жылдардағы ең мощний фильм.

    Үшіншісі бүкіл франшизаға нүкте қойып, сонаааау 1968 жылғы "Планета обезьян" картинасымен түйістіре жаздайды. Сол бір ескі фильмді көрген адам ретінде аздап спойлер жіберейін: сюжетте адамдардың статусы қазіргі, біз өмір сүріп отырған замандағы маймылдардыкімен бірдей болады. Және адамдар сөйлемейді. Ал қоғамның басты саналы тіршілік иелері - маймылдар, осы күнге әлдебір Цезарьдың арқасында қол жеткізілгені айтылады. Дәл осы аталған фактілерді ескере отырып, мына жаңа трилогияны тағы бір қарап шығыңдаршы. Сонда бәрі түсінікті болады. Тіпті тәнті болғаның сонша - бәлкім шаттықтан, бәлкім елжірегеннен түрсиге тамшылатып қоюың әбден мүмкін.

    Сонымен, маймылдар планетасымен қош айтасамыз. Соңғы бөлім бәрін әдемі қорытындылап берді. Тарих пен философия білгірлері кинодан өз іздегенін табады һәм жоғарыда айтылғандай тіпті аздап тамызып жіберуі мүмкін. Ал синтеминтал адамдар көз жасын сығып алады.

    Менің ойымша, соңғы жылдарда түсірілген ең мағыналы, астарлы картиналардың бірі. Және бұл фильм "Оскарға" ұсынылуы керек деп есептеймін.

  • Ернар Бекенов

    Барлық рецензиялар: 119

    • Аңду
    • 2014
    • Рейтинг: 7
    • Дауыс саны: 1

    Бвуәәә! - деп күтпеген сәтте қорқытатын құбыжықтары жоқ, бірақ ішіңді бүргізіп жіберетін атмосферасы бар хоррор керек пе? Онда мына фильмді ұсынамын.

    Бастан-аяқ тыпыршумен болдым. Бұл жерде ауыр атмосферасымен, белгісіздікпен қорқытады.

    Сюжеті былай: Бір жігіт пен қыз бірге түн өткізеді. Түн как түн, ғашық жастардың қалыпты тірлігі. Бірақ секстен кейін жігіт қызға бір құпияны ашады. Бір қарғыс бар, жыныстық жолмен беріледі. Қарғыс саған өткенде артыңнан біреу ілеседі, ол түрін, келбетін өзгерте алады. Қайда барсаң да қыр соңыңнан қалмайды. Тек ұстатпауың керек. Қолына түссең аса қатыгездікпен өлтірілесің. Ал одан құтылу үшін басқа біреумен жатуың керек, сонда әлгі адам өлгенше сен азат бола тұрасың.

    Режиссердің аралас стилистикасы ұнады. Яғни, фильмде нақты қай уақыт екенін білмейсің, бәрі араласып кеткен. Саундтрек - диско, неон заманын еске түсіреді, машиналар 80-90 жылдарға тиесілі, киім нейтрал стилде, бірақ ұялы телефон бар.

    Ал, тылсым күш иесін қолға түсіру жоспарын құрған кезде күш біріктірген жасөспірімдер Стивен Кингтің "Оносы" мен "Очень странные дела" сериалын еске түсіріп жібереді. Бірақ, бір сәтке ғана. Көбінесе басты кейіпкер қыз жалғыз әрекет етеді. Өйткені әлгі ілесуші тек оған ғана көрінеді.

    Сөзді көбейтіп қайтем, жоғарыдағы абзацта аталған картиналар ұнаған болса, классикалық хоррорлардан шаршасаң, жаңа бір кинококтейлдің дәмін татқың келсе - бұны бір көруің қажет.

  • Ернар Бекенов

    Барлық рецензиялар: 119

    Фильм биылғы Канн кинофестивалінде үздік режиссер номинациясын жеңіп алды. Мен бірдеңе білсем, "Оскар" бәйгесіне бапталған картина. Бірақ қателесуім де мүмкін.

    Не дейін, нағыз драма. Адамның жасырын шайтани һәм пендеуи қылықтарын ашып, бұрылысы күтпеген жерден пайда бола кететін қуатты сюжеті бар. Актерлер сәтті таңдалған және олар өз міндеттерін өте жақсы алып шықты. Кімдер дейсің ғой? Мыналар: Колин Фаррелл, Эль Фаннинг, Кирстен Данст, Николь Кидман. Эль Фаннинг қылығымен бірден баурап алады, көрерменді тартып, елітіп тұратын бір қасиеті бар.

    Аталғандардың арасынан Кирстен Дансттың кейіпкері сәл ашылмай қалғандай болды. Ашылса да кейбір мотивтері түсініксіз қалып, соңына жеткізілмеген. Бұған енді актрисаның кінәсі жоқ деп ойлаймын. 

    Сюжеті былай: қалың орманның арасында, елді мекеннен жырақта қыздар пансионы бар. Америкада азаматтық соғыс басталғанда бұл мекемедегілердің көбісі тарап кетеді. Тек бес тәрбиеленуші мен екі ересек әйел қалады. Бірде қыздардың біреуі орманда саңырауқұлақ теріп жүріп, жаралы солдатты көреді. Бір жаманы - солдат солтүстік штаттан еді, ал пансион оңтүстік армияның территориясы. Бірақ басты мәселе ол емес. Кілең қыздардың арасында жалғыз еркек пайда болған соң әлгі пансионның өз соғысы, ішкі бәсекесі басталады. Осындай қаумалаған назар мен ашық қырындаудан кейін жігіт те қарап тұра алмасы анық.

    Кейіпкерлердің ешқайсысын ақтап ала алмайсың, жамандыққа да қимайсың. Ақыр соңына дейін әр кейіпкердің жанына терең үңілуге тырысып, оны жақыннан тани түскің келеді. Соңында көп сұрақтар туғызып, бәрін сенің сотыңа қалдырып кетеді.

  • Айкона

    Барлық рецензиялар: 137

    Соңғы уақытта қараған киноларымның ішінде ұнағаны осы кино болды. Балақай мен қызы ұнады. Музыка жақсы таңдалған. Сюжетте қызықты.

  • Айкона

    Барлық рецензиялар: 137

    Бұл кино жайлы қалай айтуға болатынын әлі ойланып отырмын. Киноны керемет деп айтсам өзіме жасалған қастандық болар, нашар десем Қазақстандық киноның дамуына қарсылығым болып қалар. Сонымен ойым шашырап отыр.

    Бала күнінен жауласып өскен екі ұлдың арасындағы салқындықты жеңу үшін жігіттердің анасы бір қулық ойлап табады. Ол балаларын өздерінің ескі достарының қыздарына үйлендіру. Ана аманатын орындау жолындағы екі жігіттің махаббат хикаясы.

    Сонымен не ұнамады:

    1. Сценарий. Өте жұтаң. Шыны керек қазір не болып не істейтінін білетіндей күй кештім. Сонан соң аяқ асты жиналып түсіре салған дүние сияқты әсер алдым. Киноның айтар ойы түсінікті болғанымен, кино тартпайды.

    2. Актерлар және олардың ойыны. Қазақстандық актерлерге көңілім толмайды, бұл сөзімнің театрдан шыққан актерларға қатысы жоқ әрине. Эмоция жоқ. Эдуард Табишевтың ойыны көңілімнен шықпады, оның жауыз екеніне сенбедім, содан соң күлкісінің жасандылығы ұнамады. Мұрат Бисембиннің ойнауы ұнайды, фигурасына сынам, бірақ, бұл рөл ол кісінің рөлі емес. Бұл рөль үшін бірінішіден жасы тым үлкен, екіншіден, Рэкетирдің бейнесінде қабылдап қалғасын, мына рөлдегі сүр бойдақтың рөлі аздап жараспады. Азиза Рыскельдиева, әдемі, қатал қыздың рөлін алған. Сырт бейне күшті келіп тұр, бірақ актриса дым эмоция бере алмады. Қатып қалған ағаш сияқты әсер бар, сонан соң қыздардың әкесін ататын кезде киллер сияқты емес бірінші рет қолына қару ұстап тұрғандай демалуы ұнамады. Негізгі идея бойынша ол киллер ғой, ол неге қорқуы, сасқалақтауы керек? Нұрлан Батыров ұнайды. Оның актерлығын мен эмоциясын қалай бере алатынын білгендіктен одан күшті дүние күткем, бірақ ол да эмоциясын көрсете алмады.

    3. Түсірілім сапасыз. Кешірім өтінем, бірақ солай. кейбір жерлерін көріп отырып камераның қозалысынан басың айналып кетеді. Видеода қанық түстер жоқ сияқты әсер алдым. Нияз Әбдіғапардың алғашқы режиссерлығы екенін білгесін ғана үнсіз отырдым.

    Не ұнады:

    1. Каринаның рөлін сомдаған қыз ұнады. Ашық, еркін. Бірақ рөлі ашылмай қалған. Сонан соң Арман басқа қызды таңдап кеткен кезде ол қыздың неге ары қарай не жасағанын бермеген. Ондай эмоциядағы қыздар үнсіз кетпейтіні белгілі ғой, осы жағын түсіргенде қызық болар ма еді?

    2. Альбина Оганесян мен Мөлдір Мекенбаеваның әдеміліктері ұнады. Қылықтары баршылық, алғашқы рөлдері болса да өздеріне берілген рөлді алып шыға алған сияқты.

    P.S. киноны кинотеатрға барып көріңіз дей алмаймын. Мұндай фильмдердің түскеніне 2007-2010 жылдары қуанатынбыз, ал қазір біз жақсы дүние түсіруге болатынын білеміз, көргенбіз.

  • Айкона

    Барлық рецензиялар: 137

    Кино өте қатты ұнады. Қызықты, әзілі сапалы, әрі эффектіні жақсы берген. Адамды жалықтырмайды, екі сағаттан астам уақыттың қалай өтіп кеткенін байқамай қаласыз.

  • Meihua

    Барлық рецензиялар: 5

    Аямай 10 баллымды бердім.

    Сюжеті де күшті, Балақай актер де мықты. Қызы әдемі. Спейси молодец, бірақ образы онша ашылмаған.

  • Meihua

    Барлық рецензиялар: 5

    Былай... Жалпы жаман емес. Ляптары жетерлік сюжетте. Экшнның арқасында мән бермейсің.

  • Айкона

    Барлық рецензиялар: 137

    Қорқынышты кинолар туралы ой жазатын мен емес. Себебі, мен мүлдем қорқынышты кино қарамаймын. Себебі сол- мен қатты қорқақпын :). Бірақ, осы жолы "ой, клоундар ғой, солардан қорқуға бола ма?" деген оймен бардым. Қателескен сияқтымын. Кино қорқынышты, дыбыстық эффектілер адамның кәдімгідей есін алады.

    Кинода бала күнгі қорқыныштар туралы айталады. Мысалы, мен бала күнімде домовойдан қатты қорқатын ем. Себебі, біз тұрған үй тым үлкен еді. Ағам екеуміз жалғыз қалған кезде мені ылғи қорқытатын. Осы қорқыныштың кесірінен әлі күнге қорқынышты кино көре алмаймын, үйде жалғыз қалудан да қорқам. Себебі, мен өз қорқынышымды әлі күнге жеңбегенімді көрсетеді.

    Кішкене сыныптарда оқитын алты жігіт пен Бетти өз қалаларында бір сұмдықтың болып жатқанын түсінеді. Себебі кішкентай балалардың жоғалуы бұл қалада міндетті нәрсе сияқты боп кеткен. Сондықтан олардың жоғалуына үлкендер тарапынан көп назар аударылмайды. Кішкене батырлар өз қорқыныштарын жеңіп, істің соңына жетуге тырысады.

    Ал сіз неден қорқасыз?